Presidenti i zgjedhur Donald Trump njoftoi të premten se ka zgjedhur zëdhënësen e tij të tranzicionit, 27 vjeçaren Karoline Leavitt si sekretare të shtypi në Shtëpinë e Bardhë.
“Karoline Leavitt bëri një punë të jashtëzakonshme në fushatën time historike dhe kam kënaqësinë të njoftoj se ajo do të shërbejë si sekretare e Shtypit e Shtëpisë së Bardhë”, tha Trump gjatë një deklarate të premten në mbrëmje.
“Kam besimin maksimal që ajo do të shkëlqejë në podium dhe do të ndihmojë në përcjelljen e mesazhit tonë për popullin amerikan, ndërsa ne do ta bëjmë Amerikën të madhe sërish”, shtoi ai.
Detyra e sekretarit të shtypit të Shtëpisë së Bardhë është të ndihmojë në informimin e popullit amerikan për aktivitetet presidenciale, por pa tradhtuar besimin ndaj kreut të qeverisë.
Karoline Leavitt do te jetë sekretarja më e re e shtypit në Shtëpinë e Bardhë. Ron Ziegler 29 vjeç ishte sekretari i mëparshëm më i ri në moshë përzgjedhur nga Presidenti Richard Nixon, në vitin 1969.
Karoline Leavitt punoi si ndihmës sekretare shtypi gjatë pjesës së fundit të mandatit të parë të zotit Trump, nga viti 2017 deri në vitin 2021.
Kur Trump humbi zgjedhjet në vitin 2020 ndaj Biden, Leavitt u bë drejtoreshë e komunikimit për ligjvënësen Elise Stefanik, të cilën presidenti i zgjedhur e ka emëruar për detyrën e ambasadores në Kombet e Bashkuara,shkruan Reuters.
Leavitt kandidoi për një vend në Dhomën e Përfaqësuesve në vitin 2022. Ajo fitoi garën paraprake në mesin e republikanëve, por humbi zgjedhjet e përgjithshme përballë demokratit Chris Pappas. Ajo iu bashkua fushatës së Trump në vitin 2024 dhe ka qenë zëdhënësja kryesore e ekipit të tranzicionit të tij.
Lajme të tjera
-
Fushata e Kamala Harris/ U shpenzuan 1.5 miliardë dollarë në total! 24 mijë dollarë për ushqim të shpejtë dhe akullore! Mbi 12 mln dollarë për fluturime private
17 Nëntor, 09:38 -
Rubio, nga 'Marco i vogël' në sekretar i Shtetit të SHBA
17 Nëntor, 09:07 -
Dëbimi i emigrantëve të paligjshëm nga SHBA, 'The Sun': Trump po shikon skemën e Ruandës që u hartua nga qeveria e kaluar britanike
17 Nëntor, 08:35 -
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
Senatorët demokratë kërkojnë hetim federal për komunikimin 2-vjeçar mes Musk dhe Putin
16 Nëntor, 20:00 -
Kancelari Scholz: Biseda telefonike me Trump, e detajuar! Folëm gjatë për Ukrainën, ai mendon ndryshe nga sa perceptohet në Europë
16 Nëntor, 17:42 -
SHBA përgatit transferimin e pushtetit, mekanizmi i ka fillesat në vitin 1797
16 Nëntor, 16:20 -
Abazoviç: Roli i Shqipërisë, i rëndësishëm për stabilitetin në rajon
16 Nëntor, 15:48 -
Zelensky: Lufta me Rusinë duhet të përfundojë në 2025 përmes diplomacisë! Amerikanët janë në anën e Kievit! Faleminderit G7 dhe Melonit për mbështetjen
16 Nëntor, 12:44 -
Ligjvënësit republikanë optimistë se Trump do t'i japë fund luftës Rusi-Ukrainë
16 Nëntor, 07:28 -
Po sikur Trump t’i mbajë premtimet e tij?
15 Nëntor, 21:27
-
Trump vepron me shpejtësi për emërimet me ndikim tek politika e brendshme
15 Nëntor, 20:23
