POP 5

Lajmet më të lexuara të 5 minutave të fundit

Politikë

Tryeza e OSBE-së: Ligjet, të
konsultohen me shoqërinë civile

OSBE në bashkëpunim me Kuvendin e Shqipërisë mbajtën dje një tryezë diskutimi, ku rëndësi iu vu faktit të bashkëpunimit të insitutcionit ligjvenës me shoqërinë civile.
TIRANE- OSBE në bashkëpunim me Kuvendin e Shqipërisë mbajtën dje një tryezë diskutimi, ku rëndësi iu vu faktit të bashkëpunimit të insitutcionit ligjvenës me shoqërinë civile. Duke iu referuar edhe temës kryesore "Praktikat më të mira në nxitjen nga Parlamenti, të pjesëmarrjes qytetare të organizatave të shoqërisë civile dhe institucioneve të pavarura”, zvendës ambasadori i OSBE, Robert Wilton, kërkoi nga Qeveria që bëj transparencë me projektligjet si dhe paraprakisht ata të konsultohen edhe me grupet e interesit para se të shkojnë në Kuvend. “Shoqëria civile dhe Parlamenti po nisin të zgjasin duart drejt njëri-tjetrit. Por nuk kanë arritur aq larg sa duhet dhe ne jemi të vendosur që të ndihmojmë të dyja palët të ndërtojnë një urë lidhëse”, tha nënkryetari i Prezencës së OSBE.

Ai tha se afatet për ofrimin e komenteve janë shumë të shkurtra dhe nuk ka rregulla të qarta të konsultimit publik. “Projektligjet jo gjithmonë janë postuar në faqen e internetit të parlamentit dhe shumë prej tyre janë vendosur në rendin e ditës në vijim të një njoftimi të shkurtër, pa konsultimet e mjaftueshme publike apo kohën e duhur për shqyrtim nga deputetët. Trajtimi i këtyre çështjeve do të mundësonte një procesi konsultimi më transparent dhe më gjithëpërfshirës, duke përfshirë më tej shoqërinë civile dhe partnerët socialë, duke rritur së fundmi besimin e publikut në hartimin e legjislacionit”, tha Wilton. Të pranishëm në këtë tryezë ishin edhe ish deputetë të Kuvendit, Ilir Rusmaili apo dhe Arben Malaj, të cilët folën rreth praktikave të parlamentarizmit.

Ish-kryetari i Komisionit të Ligjeve, Ilir Rusmaili duke iu referuar tendencës së politikës për të ndryshuar shpesh ligjet tha se problemi është tek zbatimi dhe jo hartimi i tyre. Ndërkohë që ,inistri për marrëdhëniet me parlamentin, Ilirian Celibashi ka konfirmuar se nëse pakënaqësitë për paketën anti-korrupsion do të vijojnë, qeveria do të ndërhyjë. Sipas Celibashit, po monitorohet ecuria e ndryshimeve në ligjin antimafia dhe kodin e procedurës penale, të cilët prej disa ditësh janë duke u shqyrtuar në komisionet parlamentare dhe janë kundërshtuar haptazi nga ndërkombëtarët.
 
 Shkrimi u publikua sot (12.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Reshje dëbore në Kukës, qarkullimi i lirë në Kalimash-Morinë! Disa fshatra pa energji elektrike

Reshje dëbore në Kukës, qarkullimi i lirë në Kalimash-Morinë! Disa fshatra pa energji elektrike

11 Janar, 11:34