POP 5

Lajmet më të lexuara të 5 minutave të fundit

Politikë

Tryeza per Reformen Zgjedhore,
problem korrupsioni e inkriminimi

Shoqëria Civile i sugjeron klasës politike nisjen e reformës zgjedhore, për t’i dhënë zgjidhjeve problemeve të konstatuara në zgjedhjet e fundit, ato vendore të 21 qershorit 2015. 
Shoqëria Civile i sugjeron klasës politike nisjen e reformës zgjedhore, për t’i dhënë zgjidhjeve problemeve të konstatuara në zgjedhjet e fundit, ato vendore të 21 qershorit 2015.

Në funksion të ndryshimit të Kodit Zgjedhor, Koalicioni i Vëzhguesve Vendorë organizon të martën konferencën me temë “Korrupsioni zgjedhor; Nevoja për një reformë elektorale të thelluar dhe gjithëpërfshirëse”, ku do të marrin pjesë edhe kryeministri Edi RAMA e kryetari i PD, Lulzim Basha, të cilët do të duhet të ndajnë pikëpamjet e tyre për problemet e zgjedhjeve.

Sipas Vëzhguesve Vendorë ky sesion i Kuvendit pritet të jetë i ngjeshur me nisma legjislative dhe pritet të përmbyllet pjesa dërrmuese e reformës në drejtësi, e cila do të pasohet nga reforma zgjedhore.

Gjithashtu, një prej problemeve konkrete të konstatuara edhe nga Shoqëria Civile gjatë vëzhgimit të zgjedhjeve, është korrupsioni elektoral, i cili gjithashtu do të marrë një vëmendje të veçantë gjatë këtij diskutimi.

Sikurse shqetësues cilësohet edhe përfshirja e personave me precedentë penalë, ose akoma më keq me të shkuar kriminale në proceset zgjedhore.

“Përpos këtyre, në gjysmën e parë të vitit 2016 pritet të bëhet pjesë e diskutimeve dhe nismave ligjore për reformën në drejtësi edhe reforma zgjedhore. Një reformë që është e gjithëpranuar që duhet të jetë e thellë, si nga aktorët politikë dhe prej aktorëve vendas e të huaj me interes në çështjet zgjedhore. Si e tillë, reforma zgjedhore duhet të adresojë së pari tërë problematikat e vërejtura në traditën 25 vjeçare të proceseve elektorale. Një traditë problematikash që zë rrënjë pikërisht tek fenomeni i korrupsionit elektoral”, vërejnë Vëzhguesit Vendorë.

Për këtë shkak Shoqëria Civile vlerëson me vend organizimin e një aktiviteti për t’i dhënë rëndësinë e duhur këtij fenomeni si një ndër sfidat serioze me të cilat po përballet demokracia dhe shoqëria shqiptare, ku është ftuar edhe Presidenti i Republikës, Bujar Nishani.

Gjithashtu, në këtë konferencë do të marrin pjesë kryeministri Edi Rama, kryetari i opozitës, Lulzim Basha, kryetari i Kuvendit, Ilir Meta, ambasadorja e BE në Tiranë, Romana Vlahutin, si dhe ambasadori i SHBA, Donald Lu dhe kreu i Prezencës së OSBE, Robert Wilton.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

Tiranë/ I dashuri i vajzës dhe 4 djem në kërkim për alarmin tek 'Astiri', policia: Dyshohet se mbajtën të mbyllur 21-vjeçaren

10 Janar, 13:34