'TUBA Fest' vjen më 15 dhe 16 shtator në Shkodër, Rama fton njerëzit t’i bashkohen festivalit

Shkodra do të mirëpresë gjatë kësaj fundjave TUBA fest mes shumë aktiviteteve kulturore dhe sportive. Kryeministri Edi Rama ka shpërndarë në Facebook-un e tij të Kalasë së Shkodrës, duke bërë thirrje për këdo që t’i bashkohet atmosferës së bukur që ofron ky festival.

“Mirëmëngjes dhe me ftesën që kush mundet të mos e lerë pa marrë energjinë e “TUBA Fest” në kalanë e Shkodrës, më 15-16 Shtator, frymëzuar nga tradita shqiptare e muzikës, ju uroj një ditë të mbarë”, shkruan Rama.

Ky festival muzikor përgjatë dy ditëve do të sjellë në Kalanë e Shkodrës performancat live të artistëve dhe grupeve shqiptare më me zë.

Në bashkëpunim me organizatën “New Vision” dhe me mbështetjen e Ministria e Kulturës e të një sërë sipërmarrjesh private, TUBA Fest frymëzohet nga tradita shqiptare e muzikës dhe kohës mes miqve, por tashmë me një prekje moderne dhe që i fton të gjithë në datat 15-16 shtator në Kalanë e Rozafës.

“TUBA Fest” frymëzohet nga traditat shqiptare të muzikë, por me një prekje moderne dhe vibrante. TUBA, në dialekt ‘tu ba’ (duke bërë) nënkupton aktivitetin e të shijuarit muzikë të mirë: ‘Tu Ba Festë’.

Ky festival muzikor i shtrirë në 2 ditë, në Kalanë e Shkodrës, sjell performanca live nga artistë shqiptarë të mirënjohur të muzikës Rock/Komerciale & DJ.

M.Q./KT/Shqiptarja.com

TAG:
• Shkoder
• kalaja e rozafes