Tubimi paqësor i shoqatës 'Çamëria' në Gjirokastër, historiani Llalla: Greqia të respektojë të drejtat e çamëve

Shoqata Çamëria ka organizuar një tubim paqësor mesditën e sotme para Konsullatës së Përgjithshme Greke në Gjirokastër.

Prezenca e paktë e tubuesve është justifikuar nga organizatorët me faktin e përcjelljes së mesazheve simbolike ndaj autoriteteve greke të cilat duhet të kenë në konsideratë respektimin e të drejtave të çamëve të dëbuar nga grekët në përfundim të Luftës së Dytë Botërore.

Sipas historianit Arben Llalla, qëllimi i protestës së sotme nuk ishte tubimi i sa më shumë njerëzve, por mesazhi paqësor që duhet të përcjellë tek autoritetet greke.

"Greqia duhet të respektojë të drejtat e çamëve ashtu sikurse shqiptarët respektojnë të drejtat e grekëve në çdo përvjetor që ata manifestojnë në Shqipëri" - shprehet Llalla.

Tubime të tilla të karakterit paqësor priten të organizohen edhe përgjatë ditëve vijuese në vise të tjera të Shqipërisë.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot