Tuneli i Gjegjanit, i  cili  u  bllokua  një ditë më parë  duke  lënë të izoluar më shumë se 10 mijë  banorë  të zonës dhe më  gjërë  është zhbllokuar  tashmë dhe përgjatë segmentit rrugor Fushë-Arrëz-Gjegjan-Mirditë mund të qarkullohet, ndonse në hyrje-daljet e tunelit drejtuesit duhet  të tregohen të vëmendshëm, pasi rreziku nga shembje të tjera mbetet evident.

Gjatë  inspektimit të aksionit për zhbllokimin e rrugës nga  kompania që mirmban këtë segment rrugor, zëvëndës kreu i Bashkisë së majtë, Artan Zaja  shprehet  se aksi  Fushë- Arrëz –Gjegjan- Mirditë  kërkon ndërhyrje të menjëhershme.

"Ky është një problem shumë serioz për banorët  e njësië administrative Gjegjan Bashkia Pukë dhe ne jemi drejtuar disa herë  qeverisë Shqiptare dhe  dhe ministrisë së transporteve me shkresa përkatëse  dhe me projekte  konkrete për rikonstruksionin  dhe relahibilitimin e këtij aksi  që është njjë aks  me probleme shumë serioze  dhe me pasojë vdekjen e 35 personave në 5 vite. Apeli im është i drejtëpërdrejt  për qeverinë shqiptare  dhe në veccanti për ministrinë e transporteve  dhe infrastrukturës z Hazhinasto  që të marrin masa të menjëhershme dhe urgjente  për ta rikonstruktuar këtë rrugë  ose për ta ndërtuar nga e para sepse banorët e kanë shqetësim real  dhe ne jemi në krahun e tyre", shprehet Zaja.  

Tuneli  i Gjegjanit  mbetet një rrezik  tashmë  i paralajmëruar ,  pasojat e  të cilit  tani nuk mund të  jenë  asgjë më pak se sa  neglizhencë  e vetë Shtetit,  qeverisjet e të cilit  duket  se nuk e  vlerësojnë jetën e këtyre banorëve ashtu si  dhe të shqipëtarve të  tjerë.

Redaksia Online
(M.Ç/shhqiptarja.com)