POP 5

Lajmet më të lexuara të 5 minutave të fundit

Politikë

Tur në Kukës dhe Tropojë me të rinjtë, ambasadori britanik Abbott: Mbretëria e Bashkuar është partneri juaj, besojmë te potenciali i Shqipërisë!

Nën moton “Partnerë për Përparim”, turi treditor i Ambasadës së Mbretërisë së Bashkuar investim për të rinjtë në veri të Shqipërisë. Ambasadori i Mbretërisë së Bashkuar në Shqipëri, Nicholas Abbott, dha një prononcim, duke përkrahur sipërmarrjen dhe rritjen ekonomike

Ambasada Britanike në Shqipëri njoftoi se nisi turin duke vizituar Kukësin më 8 Tetor, ndërsa Tropojën më 9-10 Tetor.

“Ne po dëshmojmë partneritetin e fortë mes Mbretërisë së Bashkuar dhe Shqipërisë përmes mbështetjes britanike për të ardhmen e veriut të Shqipërisë duke u fokusuar tek të rinjtë”, njofton ambasada.

Ky tur i Ambasadës nxjerr në pah nismat e rëndësishme të financuara nga Mbretëria e Bashkuar në këtë rajon, të cilat përqendrohen në nxitjen e inovacionit, arsimit, sipërmarrjes dhe krijimit të vendeve të punës. Banorët do të mësojnë për mundësitë për të marrë pjesë aktive në këto nisma.

Ambasadori i Mbretërisë së Bashkuar në Shqipëri, Nicholas Abbott tha gjatë vizitës së tij në Kukës:

“Mbretëria e Bashkuar është partneri juaj për rritjen ekonomike dhe sipërmarrjen. Ne besojmë në potencialin e Shqipërisë dhe jemi të angazhuar të punojmë me ju si Partnerë për Përparim.”

Si pjesë e këtij turi, Ambasada Britanike po thekson gjithashtu edhe suksesin e pesë të rinjve, të cilët kanë vendosur ta ndërtojnë të ardhmen e tyre në Shqipëri, duke treguar ndikimin pozitiv të bashkëpunimit mes Mbretërisë së Bashkuar dhe Shqipërisë.

Irda, 26 vjeçe, gazetare nga Kukësi tha:

 "Të rinjtë në Shqipëri shpesh konsiderohen si të pashpresë, por është komplet e kundërta për mua. Të rinjtë shqiptarë janë punëtorë të palodhur, ata thjesht nuk e kuptojnë se më e mira është në vendin e tyre. Unë mendoj se ju mund të jeni të suksesshëm edhe këtu, duke nisur me hapa të vegjël”.

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Halit Valteri: Kam dokumentet që vërtetojnë se Këlliçi pagoi për foton me Trump, t’u tregojë shqiptarëve ku i gjeti paratë

Halit Valteri: Kam dokumentet që vërtetojnë se Këlliçi pagoi për foton me Trump, t’u tregojë shqiptarëve ku i gjeti paratë

24 Janar, 18:42