Është zhvilluar etapa e tretë e Turit të 75-të Çiklistik të Shqipërisë, me itinerar Elbasan-Vlorë, ku çiklistët përshkuan 166 km. Nëse dy etapat e para ishin dominuar nga çiklistët italianë, në etapën e tretë fitues është shpallur Xhuliano Kamberaj, që garon me ekipin kombëtar të Shqipërisë.
Kamberaj u shkëput në fund dhe preu i pari vijën e finishit të Vlorë, duke marrë edhe duartrokitjet e publikut vendas. Çiklisti shqiptar, që në etapën e dytë Korçë-Elbasan zuri vendin e dytë, është futur në garë për të fituar Turin.
Mbeten edhe dy etapa, ku e katërta do të jetë ajo me itinerar Vlorë-Sarandë 119 km dhe e fundit Sarandë-Fier 162 km. Marrin pjesë 13 ekipe nga Europa, por çiklistët italianë janë pretendentë.
Komento
