Turistët braktisin Kukësin,mungon
zyra e informimit e guida turistike

Qarku i Kukësit i cili njihet për resurset e mëdha të turizmit malor, nuk ka një zyrë informimi apo guidë të specializuar për të gjithë turistët vendas e të huaj të cilët mund të shohin nga afër pikat turistike që ofron zona.

Ata që e ndjejnë më tepër këtë fakt janë turistët vendas e të huaj që shkojnë në Kukës për të vizituar këto pika turistike, por kur shkojnë aty nuk kanë asnjë zyrë ku mund të marrin informacion për vendet ku janë e si mund të vizitohen, ndëkrohë që nuk ka asnjë guidë të posaçme.

Mungesa e zyrave të informimit dhe guidave turistike prej dy vitesh ka sjellë pakësimin e numrit të turistëve, pasi duke qenë një terren i ashpër është i domosdoshëm edhe vendosja e sinjalistikës për të orientuar turistët, por që na fakt mungojnë duke i’ua vëshitësuar turistëvë gjetjen e aseteve turistike. 

“Ka shumë pak informacione për këto zona. Ekziston dhe një kabinë turistike, por nuk funksionon., ka mungesë të theksuar të informacionit për turistët” thotë një nga të rinjtë.
 
Ndërsa një tjetër thotë se, “Ndoshta për mungesë të informacionit, për mungesë të guidave e shoqatave të specializuara për turizmin është vënë re se ato kalojnë në Kukës por nuk ndalen për të vizituar pikat turistike. Nuk ka asnjë tabelë orientuese apo guidë për këto pika turizmi këtu mbetet amator”.
 
Si udhërrëfues për ato pak turistë që e frekuentojnë Kukësin, shërbejnë një grup të rinjsh që janë të apasionuar pas turizmit malor dhe aventurave.







Redaksia Online
(F.T/shqiptarja.com)