POP 5

Lajmet më të lexuara të 5 minutave të fundit

Sociale

Turistët e huaj vizitojnë Gjirokastrën, 4 mijë në 3 muaj e parë të vitit! Operatorët turistikë: S’ka punëtorë, do marrim nga Lindja e Mesme

Mbi 4 mijë turistë vizituan Gjirokastrën përgjatë 3 muajve të parë të vitit, ndërsa kjo shifër pritet që të rritet gjatë sezonit veror. Përballë numrit të lartë të vizitorëve, operatorët i tremben mungesës së punëtorëve, pasi të rinjtë vendas nuk i kënaqen pagesave e në këtë situatë ata preferojnë të emigrojnë.

GJIROKASTER - Kudo nga hedh sytë në Gjirokastër shikon turistë. Kryesojnë të huajt, të cilët e zgjedhin qytetin e gurtë për muzeumet, sitet arkeologjike në luginën e Drinos apo objekte të tjera pjesë e trashëgimisë. Pa dyshim nuk largohen pa provuar edhe gatimet tradicionale të zonës. Vetëm në tre muajt e parë të vitit Gjirokastra u vizitua nga mbi 4 mijë turistë, teksa kjo shifër pritet që të rritet edhe më tej në muajt në vijim.

“Statistikat janë dyfishuar. Presim përgjatë gjithë vitit. Ka nga e gjithë bota. Edhe nga Zelanda e Re. Mbizotrojnë spanjollët, francezët, italianët. Të katër muzetë janë të vizituara, kalaja, sitet e ndryshe. Edhe ura e Ali Pashës është e preferuar”, Ervina Saliaj, përgjegjëse e zyrës së turizmit në Gjirokastër.

“Rezervimet janë shumë mirë. Ka një shtim me 10% nga një vit më parë. Pritet të ketë ardhje turistësh masivisht pas datës 20 prill. Kryesisht janë amerikanë, britanik, gjerman, italian ka shumë edhe nga Kina dhe Australia. Gjirokastra është një qytet muze. Ka shumë për të parë, jo vetëm në qytet, por edhe në krahinat përreth. Qytete antike, kishat e vjetra. Kjo ka bërë që të rritet dhe ditëqëndrimi në Gjirokastër. Nga një ditë duan të rrinë 3-4 ditë, por edhe me qëndrim një javë. Shkojnë dhe në Butrint brenda ditës me rrugën e re”, u shpreh Piro Dhima, operator turistik.

Turizmi është sektori që sjell më së shumti të ardhura për banorët e qytetit të gurtë, por ajo që po i shqetëson operatorët e industrisë së turizmit është mungesa e punëtorëve për shkak se shumë të rinj kanë zgjedhur të emigrojnë. Të ekspozuar përballë këtij fenomeni ata kanë kërkuar të marrin punëtorë nga Lindja e Largët të cilët paguhen edhe më pak.

“Nuk kërkohet kualifikimi kushedi. E nevojshme është të njohin gjuhë të huaj, për kamerieret, ndërsa për pjesën e kuzhinës dhe hotel nuk është nevoja”, u shpreh Piro Dhima, teksa shton se “të gjithë bizneset do të marrin punonjës nga jashtë. Do kërkohet për përballimin e ritmit të shtuar të turistëve edhe punëtore nga Bangladeshi, Filipinet, etc”.

Turistët e huaj tashmë nuk e zgjedhin Gjirokastrën vetëm për një natë, por dëshirojnë që të qëndrojnë aty deri në një javë.

 

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • cjapi: 20/04/2024 17:17

    kur nuk te rri vendasi,,si mendoni se do rri i huaji...

    Përgjigju
  • Ndkd: 19/04/2024 19:22

    Do merrni punetore ju nga lindja mesme ahahahah ju iken edhe bangladehasit, do ju vijne nga lindja mesme. Hypni te satelitet albania 1 dhe albania 2 dhe hidhuni me koke, bashke me liderin global.

    Përgjigju
  • Agjenti: 19/04/2024 17:22

    Po normal se ju spaguani. I kerkoni me rroga minimale.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41