Një turiste paraguaiane u hodh në Fontana di Trevi në Romë, një lëvizje e guximshme, por me rezultat aspak të këndshëm.

29-vjeçarja arriti vetëm të pllaquritej paksa para se të ndërhynte personeli i sigurisë për ta nxjerrë nga shatërvani.

Partneri i saj filmoi gjithë ngjarjen. Videot më pas u shpërndanë në rrjetet sociale, ku menjëherë tërhoqën vëmendjen e përdoruesve.

Turistes iu vendos një gjobë prej 450 eurosh për shkeljen e rregullave që mbrojnë dekorin urban dhe një nga monumentet më të vizituara të kryeqytetit.

Videot që kanë qarkulluar kanë grumbulluar mijëra shikime në TikTok, por përdoruesit e kanë quajtur sjelljen e saj “fyese” dhe “mungesë respekti ndaj trashëgimisë kulturore.”/Rai