Zhvillimet në fushën e turizmit dhe perspektiva e këtij sektori të rëndësishëm për ekonominë shqiptare janë pjesë e konferencës ndërkombëtare që po mbahet në Universitetin e Shkodrës, me pjesëmarrjen e studiuesve nga universitetet e Shqipërisë, rajonit dhe më gjërë. Sipas studiuesve, rritja e shpejtë e numrit të turistëve ndërkombëtar po ndikon në ekonominë vendit, por, ata shtojnë, se është i rëndësishëm që turizmi të mbështetet në praktikat më të mira të turizmit të qendrueshëm për të patur një zhvillim afatgjatë.
Pjesëmarrja në konferencën ndërkombëtare e shumë studiuesve nga universitetet shqiptare si dhe të rajonit dhe europës është tregues i interesimit të stafeve akademike mbi përvojën shqiptare në fushën e turizmit, problematikat dhe perspektivat e këtij sektori.
Sipas të dhënave zyrtare, nga janari deri në fund të muajit tetor, Shqipërinë e kanë vizituar rreth 9 milionë turistë të huaj, tregues ky 32 përqind më i lartë se e njëjta periudhë e vitit të kaluar. Kjo ka bërë që Shqipëria të përfshihet ndër destinacionet e rëndësishme turistike.
“Numri i turistëve ndërkombëtarë ishte diçka e papritur. Nuk pritej në numra dhe shifra të tilla. Mendoj se vështirësia e parë, me të cilën u hasën të gjitha bizneset turistike, ishte mungesa e kapaciteteve. Kapaciteteve fizike për t’i shërby dhe infrastrukturave mikpritëse për t’i shërby këtyre turistëve, po njëkohësisht edhe në mungesën e kapaciteteve të burimeve njerëzore”, thotë Albana Boriçi, zv. dekane e fakultetit ekonomik, Universiteti i Shkodrës.
Profesoreshë Albana Boriçi thotë se promocioni që është bërë vitet e fundit për vlerat turistike, si nga qeveria ashtu edhe shoqatat dhe vetë turistët e huaj, përmes asaj që quhet "marketing gojor", ka ndikuar në interesimin e gjërë si për turizmin bregdetar, atë malor, kulturor, por edhe dentar.
Për profesoreshë Mirjam Dibrën, e cila drejton departamentin e turizmit në Universitetin e Shkodrës, investimet e realizuara ndër vite, si nga qeveria ashtu edhe sektori privat, në drejtim të infrastrukturës lidhëse me destinacionet turistike, rilindjes së zonave urbane, ngritjes së resorteve turistike dhe promovimin e trashëgimisë historike, natyrore dhe kulturore, kanë dhënë rezultatet e tyre ketë vit me shtimin e numrit të turistëve.
Por, profesoreshë Dibra shton se është e rëndësishme të vlerësohen problematikat e krijuara këtë vit nga fluksi i madh i turistëve të huaj.
“Prandaj duhet të ecet paralelisht me përgatitjen e infrastrukturës, supërstrukturës, me nxitësa, t’i stimulojnë që të vijnë investimet drejt Shqipërisë në mënyrë që të përballohet ky fluks. Por, sidomos, është e rëndësishme të përgatisim të rinjtë që të rrijnë dhe t’i shërbejnë turizmit. Tashmë edhe bizneset turistike janë ndërgjegjësu mbi rëndësinë që kanë burimet njerëzore dhe kanë filluar rritjen e pagave të punonjësve që shërbejnë në bizneset e tyre”, thotë ajo.
Për profesorin nga Universiteti Vidzeme, Aigars Anderson, Shqipëria ka burime të shumta turistike, një pjesë e të cilave ende të pashfrytëzuara. Në shumë vende europiane , thote ai, universitetet dhe kampuset e tyre janë jo vetem pjesë e programeve dhe projekteve për fuqizimin e sektorit turistik, por edhe pjesë e guidave turistike.
“Tani ambienti akademik po ndryshon, nuk ka rëndësi sa universitet i madh jeni dhe ku jeni, pasi rrjeti europian i universiteteve të së ardhmes krijon mundësinë e këmbimit të përvojave dhe programeve edhe në fushën e turizmit duke bërë që të jeni të dobishëm në fuqizimin e këtij sektori të rëndësishëm për ekonominë vendase”, thotë ai.
Edhe pas përfundimit të sezonit të plazhit, numri i turistëve të huaj që po vizitojnë Shqipërinë vazhdon të rritet. Kështu, gjatë muajit tetor vendin e vizituan 691 mijë turistë të huaj ose 89% më shumë se një vit më parë. Për profesoreshë Boriçin, rritja e numrit të turistëve ndërkombëtarë që vizitojnë vendin është një e mirë për ekonominë pasi ata sjellin të ardhura dhe punësim.
Por, ajo shton se një vend i vogël si Shqipëria duhet të jetë i kujdesshëm në lidhje me turizmin masiv.
“Eksperienca e vendeve europiane, që njihen për zhvillimin e turizmit në mënyrë masive, sidomos në vitet 70’,80’, ka treguar që turizmi masiv me kalimin e kohës bëhet më shumë i dëmshëm sesa me përfitim. Prandaj, që ta mbajmë sa më të qëndrueshëm, është e nevojshme të mbështetemi në praktikat e zhvillimit të turizmit të qëndrueshëm”.
Ndërkohë, sipas ekspertëve, sektori turistik i Shqipërisë deri në fund të vitit pritet të presë 10 milion turistë të huaj duke shënuar kështu treguesin më të lartë ndër vite./ VOA
Lajme të tjera
-
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Moti i keq/ Borë në Theth e Vermosh, borëpastrueset në terren! Akset të kalueshme (VIDEO)
21 Nëntor, 09:45
