Shteti turk ka nënshkruar një dekret, në të cilin shkruhet se 38 mijë të burgosur do të lirohen me kusht. Shkak për lirimin e tyre mësohet të jetë bërë mbipopullimi i burgjeve, pas arrestimeve të shumta.
 
Ky dektet është kundërshtuar nga ministri i Drejtësisë, por analistët shprehen se kjo është e vetmja mënyrë për arrestime të tjera. Dekreti lejon lirimin me kusht të të burgosurve të cilët e kanë kryer gjysmën e dënimit të tyre ose 2 të tretat e dënimit.

Nga lirimi me kusht nuk do të përfitojnë ata që janë dënuar për vrasje, dhunë në familje, abuzim seksual, terrorizëm ose krime të tjera kundër shtetit. Po ashtu, të gjithë personat e arrestuar dhe dënuar pas 1 korrikut do të mbeten në qeli.

Ndërkohë që rreth 35,000 njerëz po merren në pyetje dhe më shumë se 17.000 janë arrestuar për t’u përballur me gjyqin, duke përfshirë ushtarë, police, gjyqtarë dhe gazetarë pas grushtit të 15 korrikut.

turqi

Redaksia Online
Xh.M/Shqiptarja.com