Turqia dhe Izraeli do të rivendosin raportet e plota diplomatike! Do të dërgojnë ambasadorët në kryeqytetet respektive

Turqia dhe Izraeli do të rivendosin raportet e plota diplomatike! Do të dërgojnë ambasadorët në kryeqytetet respektive

Izrael dhe Turqi

Izraeli dhe Turqia do të rivendosin raportet e plota diplomatike dhe do të dërgojnë ambasadorët e tyre në shtetet përkatëse, për herë të parë pas shumë vitesh. Kështu deklaroi sot kryeministri në detyrë i Izraelit, Yair Lapid.

“Rivendosja e raporteve me Turqinë është një lajm shumë i rëndësishëm për rajonin por edhe një lajm shumë i madh ekonomik për Izraelin”, tha ai përmes një deklarate zyrtare.

Ky vendim vjen pasi Lapid vizitoi Ankaranë në qershor, ku zhvilloi bisedime me presidentin e Turqisë, Recep Tayyip Erdogan, u tha në jetën.

Dikur aleatë të ngushtë, Turqia dhe Izraeli përkeqësuan raportet më 2010 pasi dhjetë shtetas të Turqisë u vranë kur marina izraelite sulmoi një anije që po dërgonte ndihma në Gaza. Dy shtetet kanë pasur një përmirësim të raporteve më 2016, por që nga viti 2018, kur pati mosmarrëveshje për hapjen e ambasadës amerikane në Jerusalem, të dy shtetet nuk kanë pasur ambasador në kryeqytetet respektive.

Turqia nuk e njeh Jerusalemin si kryeqytet të Izraelit dhe ambasada e saj gjendet në Tel Aviv.

“Edhe ne do të emërojmë ambasadorin tonë në Tel Aviv”, tha ministri i Jashtëm turk, Mevlut Cavusoglu, gjatë një prononcimi për gazetarët në Ankara më 17 gusht.

Ai tha se ky vendim është “një hap pozitiv”. Por, Cavusoglu tha se Turqia do të mbrojë kauzën palestineze.

“Siç e kemi thënë gjithmonë, ne do të vazhdojmë të mbrojmë të drejtat e palestinezëve”, tha ai.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln usd

Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln usd