Turqia tha se vlerëson hapat që deri më tani ka ndërmarrë Suedia për të marrë miratimin e Ankarasë për t’iu bashkuar NATO-s. Por, Stokholmi nuk është as në “gjysmë të rrugës” për të përmbushur listën e zotimeve që Ankaraja ka kërkuar në këmbim të ratifikimit të anëtarësimit në aleancë, tha kryediplomati turk.
Ministri i Jashtëm, Mevlut Cavusoglu, tha se vendimi i gjykatës suedeze për të ndaluar ekstradimin e një personi të kërkuar në Turqi, pasi dyshohet se ka lidhje me grusht-shtetin e dështuar të vitit 2016, ka “helmuar” atmosferën pozitive në negociatat për anëtarësimin e Suedisë në aleancën ushtarake.
Suedia dhe Finlanda, pas nisjes së pushtimit rus të Ukrainës, vendosën që të aplikonin për anëtarësim në NATO. Por, për t’u anëtarësuar këto dy shtete, duhet që vendimi të ratifikohet nga 30 anëtarët e aleancës.
Turqia ka penguar këtë proces, duke kërkuar nga dy shtetet nordike që të shtypin grupet që i konsideron organizata terroriste dhe të ekstradojë në Ankara personat që dyshon se kanë kryer vepra terroriste.
Të 28 shtete të NATO-s kanë ratifikuar anëtarësimin e Suedisë dhe Finlandës. Turqia dhe Hungaria janë të vetmet anëtare që nuk e kanë ratifikuar anëtarësimin e dy shteteve.
Gjatë një konference të përbashkët për media me ministrin e Jashtëm suedez, Tobias Billström, Cavusoglu tha se Qeveria turke ende pret që të ketë “zhvillim konkret” sa i përket ekstradimeve dhe ngrirjes së aseteve.
“Është një dokument që duhet të zbatohet. Ne nuk jemi ende në gjysmë të rrugës, jemi në fillim”, tha ai, duke iu referuar memorandumit që Suedia dhe Finlanda nënshkruan me Turqinë në qershor.
Sipas këtij memorandumi, dy shtetet janë pajtuar që të adresojnë shqetësimet e sigurisë që ka Turqia, që përfshin kërkesa për dëbim dhe ekstradim të militantëve kurdë dhe personave që janë të lidhur me rrjetin e klerikut fetar, Fethullah Gulen.
Qeveria e Turqisë e akuzon Gulenin se ka organizuar grusht-shtetin e dështuar të vitit 2016. Por, ai mohon këto akuza./REL
Lajme të tjera
-
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Shefi i NATO-s takohet me Trumpin në Florida
23 Nëntor, 12:35 -
Mourinho telefonon Ronaldon, e fton të rikthehet në Evropë! Gati klubi i ri
22 Nëntor, 16:08 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Tentoi të nxirrte rreth 30 mijë euro nga Kapshtica, nën hetim 50-vjeçari turk! Paratë iu gjetën të fshehura në çantë në kabinën e kamionit
21 Nëntor, 09:51 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
Trump zgjedh Matthew Whitaker për postin e ambasadorit në NATO
20 Nëntor, 19:15 -
Ish-ministrja e Mbrojtjes e Maqedonisë së Veriut emërohet zv.sekretare e NATO-s
19 Nëntor, 13:19 -
Suedia dhe Finlanda u bëjnë thirrje banorëve të bëhen gati për mundësinë e luftës
18 Nëntor, 16:29 -
Kim Jong Un kërkon zgjerimin e forcave bërthamore të Koresë së Veriut
18 Nëntor, 08:30
