POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Pulë me patate dhe speca e Qofte me oriz (qifqi)

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Pulë me speca  dhe patate

Përbërësit:

600 gr mish pule (mix)

2 kokrra qepë

4 thelpinj hudhër

3 speca me ngjyrë

1 lgj salcë speci

1 kuti domate

300 gr patate

2 gjethe dafine

500 ml koncentrat perimesh

4 lgj vaj ulliri

Kripë dhe piper i zi

Përgatitja:

Ngrohim vajin dhe fillimisht vendosim copat e pulës për ti skuqur pak. Sapo mishi të ndryshojë ngjyrë, largojmë dhe i lëmë mënjanë.

Në po atë yndyrë, kaurdisim qepën e grirë imët së bashku me hudhrën e copëtuar. I trazpjmë së bashku deri sa qepa të jetë zbututr dhe të jetë bërë transparente.

Shtojmë specat e prerë në kubikë me brinjë 1 cm. I kaurdisim  së bashku për 3-4 minuta. Shtojmë patatet e prerë në kubikë mesatarë, domatet në kuti, 2 gjethe dafine dhe i lëmë sa të marrin pak valë. Vendosim copat e mishit, lëngun e perimeve ose të pulës , piper të zi dhe e lëmë të ziejë për 25-30 minuta dhe më pas është gati për servirje.

Pulë me speca  dhe patate

Receta e dytë: Qofte me oriz (qifqi)

Përbërësit:

1 gotë oriz

2 gota ujë të valuar

4 kokrra vezë

1 lgj nenexhik

Kripë dhe piper i zi

Vaj ulliri

Përgatitja:

Fillimisht ziejmë 2 gota ujë, hedhim kripë, 1 gotë oriz të shpëlarë dhe e lëmë të ziejë për 14-16 minuta. Më pas e lëmë të ftohet.

Në një tas rrahim 4 kokrra vezë duke i përzier mirë ato. Shtojmë piper të zi, nenxhik, oriz dhe i përziejmë përsëri. Vendosim në zjarr tiganin me gropa posaçërisht për qofte me oriz. Në çdo gropë hedhim pak vaj ulliri dhe e lëmë pak sat ë ngrohet. Në çdo gropë hedhim nga 1 lugë e gjysëm me oriz dhe vezë, i lëmë të piqen mirë sat ë zverdhen pak nga njëra anë, duke i kthyer dhe nga ana tjetër. Në fund i servirim me kos apo sallatë, si të dëshironi.

Qofte me oriz (qifqi)

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14