POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/Gulash me pulë e kërpudha dhe Qofte me miell misri

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Përbërësit:

400 gr fileto pule

300 gr kërpudha

2 kokrra qepë

2-3 karrota

1 lugë gjelle miell

500 ml lëng pule

500 ml qumësht

100 ml pana

3 lugë gjelle vaj ulliri

Majdanoz

Kripë dhe piper i zi

Përgatitja:

1. Fillimisht lajmë, thajmë fileton e pulës dhe  e presim atë në kubikë mesatarë dhe i kaurdisim me 1 lugë gjelle vaj ulliri, më pas i lëmë mënjanë.

2. Po kështu ngrohim vajin dhe pasi i kemi pastruar kërpudhat dhe prerë në feta, i kaurdisim ato deri sa të mos ketë lëng në tigan dhe i heqim mënjanë.

3. Në një tenxhere të thellë me 1 lugë gjelle vaj kaurdisim qepën të prerë në fije deri sa të zverdhet pak. Shtojmë mishin e pulës të kaurdisur më parë, kërpudhat dhe i përziejmë së bashku duke i pudrosur me 1 lugë gjelle miell. I trazojmë vazhdimisht që mielli të mos marrë ngjyrë. E shuajmë me lëngun e pulës dhe i lëmë përbërësit të ziejnë për 5 minuta . Më pas shtojmë dhe qumështin e ngrohtë dhe e lëmë të ziejë , pas 3 minutash shtojmë karrotat në kubikë dhe lëmë supën të ziejë për 10 minuta të tjera. E largojmë nga zjarri, shtojmë panën , e trazojmë ngadalë dhe rregullojmë shijen m kripë e piper. Shtojmë barqepe të grirë hollë ose majdanoz të grirë. E vendosim në zjarr sa të valojë dhe menjëherë e largojmë. Gati për tu shërbyer.

Receta e dytë :  Qofte me miell misri

Përbërësit: 

200 gr miell misri

400 ml ujë

4 lugë gjelle vaj ulliri

1/2 lugë kafe sodë buke

3 kokrra vezë

100 gr djath i thërrmuar

3 lugë gjelle miell gruri

Vaj për skuqje

Majdanoz

Nenexhik

Kripë dhe piper i zi

Përgatitja:

Vendosim tenxheren me zjarr me ujë, vaj dhe kripë. Përziejmë miellin me pak sodë buke vendosim ujin të vlojë. Shtojmë miellin e misrit dhe e trazojmë vazhdimisht deri sa të na formohet një brumë i trashë . E pjekim si hallvë, deri sa mielli të na shkëputet nga tenxherja dhe luga.

Hedhim brumin në një tas , e lëmë të ulet temperatura dhe më pas shtojmë vezët, djathin , erëzat. I përziejmë së bashku me përbërësit e tjerëv dhe më pas formojmë qoftet sipas dëshirës tonë.

Mund ti skuqim duke i pudrosur më parë me pak miell misri ose dhe mund ti pjekim në një tepsi ku kemi shtruar më parë një letër pjekje dhe i vendosim në furrë në temperaturën 220ºC për 15 minuta.

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46