TIRANË - 66 shqiptarë u kthyen sot në atdhe në kuadër të operacionit humanitar të riatdhesimit të shqiptarëve që janë bllokuar në vendet europiane për shkak të koronavirusit.
Koronavirusi ka tjetërsuar edhe takimin tradicional në aeroporte. Munguan përqafimet edhe puthjet, të cilët tashmë i janë përshtatur situatës së re të krijuar nga COVID-19.
Shqiptarët iu nënshtruan kontrolleve të rrepta mjekësore të autoriteteve në aeroportin Nënë Tereza në Rinas, ndërsa do të duhet të qëndrojnë 14 ditë në vetëkarantinim. Emrat e tyre u dërgohen policisë për të kontrolluar nëse e zbatojnë të qëndruarit në shtëpi për 2 javë.
Të riatdhesuarit do të kthehen në shtëpitë e tyre nga familjarët të cilët kanë marrë autorizim nga policia e shtetit për të lëvizur me automjet përtej orarit të lejuar 13:00, e po ashtu edhe për të udhëtuar në akset ndërqytetëse.
Ky operacion për rikthimin e shqiptarëve do të vijojë edhe në ditët e ardhshme, referuar një liste për të cilën kryeministri Edi Rama ka deklaruar se është e mbyllur.
Udhëtimi është i paguar nga "Air Albania", ku avioni do të kthehet sërish në Frankfurt për të marrë pjesën tjetër të shqiptarëve të mbetur në Gjermani, dhe në orën 1 pas mesnate, do të mbërrijë në Shqipëri.
Mes shqiptarëve që u kthyen nga Gjermania sot, ishte edhe një çift të moshuarish. Isufi me bashkëshorten në një prononcim për Report Tv treguan rrugëtimin nga Frankfurti. Ata e kishin planifikuar kthimin në Shqipëri në datë 21 mars, por shkak të situatës u shty me 10 ditë, derisa ndërhyri qeveria shqiptare për të siguruar riatdhesimin.
Prononcimi
E kishit planifikuar kthimin?
Po, po
Nga jeni?
Nga Tirana
Do të rrini në karantinë?
Edhe atje brenda kam qëndruar
Ju kontrolluan këtu kur zbritët?
Po!
Zonjë, si shkoi udhëtimi?
Shumë mirë, jemi shumë të kënaqur
Ndërkohë që një tjetër i kthyer, një i ri nga Gjirokastra tha se "Kam 25 ditë që kam ikur. Komunikova me ambasadën në Gjermani, na morën të dhënat dhe sot në mëngjes. Na kontrolluan. Biletën e avionit e pagoi kompania. Aty ku ishte unë nuk kishte shqiptarë të tjerë. Unë jam nga Gjirokastra, do të qëndroj në karantinë jo 14 por 15 ditë. Nuk ka shans ta shkel" tha ai. Por nuk ka vetëm shqiptarë që kthehen, por edhe të huaj që largohen nga vendi ynë. Njëri prej tyre, u shpreh se do të rikthehet në Holandë, ndërsa pas qetësimit të gjendjes dhe kthimit të normalitetit do të rikthehet sërish në Shqipëri.
Komente
Lajme të tjera
-
Gjermani/ Presidenti Steinmeier shpërndan Parlamentin, zgjedhjet e reja më 23 shkurt
27 Dhjetor, 11:45 -
Trafikuan 1 ton marijuanë me vlerë 3.37 mln euro, SPAK dërgon për gjykim 4 trafikantët që u zbuluan nga përgjimet e Sky Ecc (EMRAT)
27 Dhjetor, 10:24 -
Dyshime për sabotim pas dëmtimit të kabllos nënujore elektrike në Detin Baltik
26 Dhjetor, 21:06 -
Itali/ Shpërndanin kokainë me makinë dhe tentuan arratinë, arrestohet 24-vjeçari shqiptar, nën hetim shoku! Të dy me disa precedentë penalë
26 Dhjetor, 16:04 -
Spanjë/ Zbulohen pamjet, ja se si agjentët e Guardia Civil bastisën bazën e ‘skifterëve’ shqiptarë! 13 vjedhje, 5 të arrestuar, 22 mijë euro cash e bizhuteri (VIDEO)
25 Dhjetor, 16:34 -
Shqiptarët më të 'frikësuarit' në rajon nga inteligjenca artificiale
25 Dhjetor, 12:46 -
Kur gjermanët nuk blejnë dot dhuratat e Krishtlindjeve
25 Dhjetor, 12:36 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32
