Një muaj më parë Çaushi u arrestua së bashku me 3 persona të tjerë për akuzën e “Trafikut të narkotikëve” dhe “Grupit të strukturuar kriminal”, por ai ka mundur të marrë lirinë këtë javë, nga gjykata e Apelit për Krime të Rënda. Hetimet për këtë rast u kryen ndërmjet prokurorisë shqiptare dhe italiane, por këto hetime nuk kanë bindur Gjykatën e Apelit për të mbajtur në qeli Renato Çaushin, i cili në Tiranë u prangos teksa udhëtonte me një mjet të blinduar.
Trafiku i dështuar i 900 kg kanabis
Një sasi prej 900 kg drogë, e gjetur nga policia e Vlorës e braktisur në gadishullin e Karaburunit, ka shërbyer si indicie për policinë dhe Prokurorinë e Krimeve të Rënda, që të bien në gjurmët e një grupi kriminal që trafikonte drogën nga Shqipëria drejt dy familjeve italiane në zonën e Siçilisë.
Më shumë se 1 muaj, u arrestuan Andrea ose Renato Çaushi, Andi Mita, Kasëm Piluri dhe Altin Rramolli. Këta persona janë ndaluar në vijim të operacionit policor për të shkatërruar një pjesë të celulës së trafikut të drogës, që dy vite më parë u arrestua në zonën e lagunës së “Vilunit” në Lezhë. Ka dyshime të forta se grupi kriminal siguronte drogën në zona të ndryshme të Shqipërisë, si Tepelenë, Lazarat, Vlorë, Krujë dhe Dukagjin dhe më pas e trafikonte atë me skaf në Itali.
Destinacioni i lëndës narkotike ishte Siçilia dhe më konkretisht familja “Nizza” e cila zhvillonte aktivitetin në lagjen Libriono dhe Lorenzo Saita, i quajtur “Skeleti”. Disa persona italianë janë arrestuar në Itali dhe dënuar nga drejtësia e këtij shteti, si të dyshuar se kishin bashkëpunuar me shtetas shqiptarë, duke trafikuar në Itali një sasi prej 3.5 ton drogë të llojit kanabis.
Grupi në Shqipëri ka qenë aktiv për gati 5 vite dhe, sipas prokurorisë, goditjen përfundimtare e ka marë, ditët e fundit, ku katër persona janë arrestuar ndërkohë 6 të tjerë janë shpallur në kërkim.
Përjashtohet Bardhok Pllanaj
I dyshuar si pjesëmarrës në këtë grup kriminal dyshohet të ketë qenë dhe biznesmeni shkodran Bardhok Pllanaj, i cili i iku policisë së Shtetit, teksa mendohet se fshihej në makinën e ish-deputetit Mark Frroku, makinë e cila në atë periudhë nuk u kontrollua, për shkak se Frroku mbante postin e deputetit dhe duhej patjetër autorizimi i prokurorit dhe Parlamentit.
Mirëpo pavarësisht këtyre dyshimeve se Bardhok Pllanaj ishte pjesë e këtij grupi kriminal, burime nga Prokuroria e Krimeve të Rënda thanë me bindje të plotë se ndaj tij nuk është lëshuar asnjë urdhër arresti. “Kemi kërkuar arrestimin e 10 personave, duke ju drejtuar Gjykatës së Krimeve të Rënda të caktonte masën e “arrestit në burg” për ta. Katër vendime janë ekzekutuar nga policia, ndërkohë që mbeten pa u ekzekutuar dhe 6 vendime të tjera. Pra momentalisht kemi 6 persona në kërkim pasi dyshojmë se janë të imlikuar në trafikun e drogës.
Shtetasi që ju më përmendni, Bardhok Pllanaj, nuk i është vendosur asnjë masë sigurimi në gjykatë”-tha një burim pranë Prokurorisë së Krimeve të Rënda. Hetimet për këtë grup janë kryer në bashkëpunim me autoritetet italiane, ku në Shqipëri janë arrestuar 11 persona, shtatë prej tyre u arrestuan gjatë operacionit të koduar me emrin “Viluni”, mbrëmjen e 30 shtatorit të vitit 2014, gjatë një operacioni të organizuar nga policia italiane, teksa po tentonin të trafikonin drejt Italisë me skaf, rreth 800 kilogramë kanabis sativa.
Më 30 shtator, tek “Rana e Hedhun”, midis Lagunës së Vilunit dhe Shëngjinit, shërbimet e Policisë Kufitare dhe ato të Guardia Di Finanza, panë të hidheshin nga një mjet lundrues në det, çanta të zeza në përmasa të mëdha. Pasi u nxorën nga deti, rezultuan 7 të tilla, të mbushura me mbi 200 kilogramë kanabis. Të nesërmen, mesditën e 1
tetorit, në Grykëderdhjen e Bunës, në një distancë rreth 4 milje detare nga bregu i detit, policia gjeti të hedhura në det edhe 15 çanta të tjera me 594 kilogramë kanabis sativa.
Grupi i parë
Ermal Mehmeti
Indrit Rraja
Ervis Sulo
Leonidha Dhimojani
Mirjan Vitaj
Alfred Syli
Kristian Çokaj
Grupi i dytë
Renato Çaushi
Andi Mita
Kasëm Piluri
Altin Rramolli
Redaksia Online
e.m/Shqiptarja.com
Lajme të tjera
-
Vrasja e specialit të RENEA Ibrahim Basha në Lazarat, Gjykata e Lartë rrëzon rekursin e Ruhan Hirajt! Anëtari i 'grupit të zjarrit' të vëllezërve Aliko i dënuar me 15 vite burg
9 Nëntor, 10:56
-
Gjirokastër/ Zjarr në tokat bujqësore të Lazaratit, dyshohet se zjarrvënësi është pronari i tokës
29 Gusht, 15:43 -
SKEDA/ Precedentët kur trafikantët e drogës kanë luftuar me Policinë! Nga Gate Mahmutaj dhe beteja në Lazarat, te plagosja e efektivëve
21 Gusht, 17:37 -
Gjirokastër, shfaqet sëmundja e antraksit, 3 të infektuar në Lazarat! Veterineri: Qytetarët të konsumojnë vetëm mishin me certifikatë shëndetësore veterinare
10 Gusht, 15:19
-
Aksident në Lazarat, makina përfundon në kanal! Në gjendje të rëndë drejtuesi
4 Gusht, 07:00 -
VIDEO/ Digjet banesa në Lazarat
22 Korrik, 22:34 -
Zjarr në një parcelë në Lazarat, shoqërohet në polici zjarrëvënësi
22 Korrik, 08:47 -
Gjirokastër/ Kultivonte cannabis sativa në oborrin e banesës, 1 në pranga
10 Korrik, 10:44 -
Zjarr në Lazarat, rrezikohen banesat! Flakët favorizohen nga era (VIDEO)
28 Qershor, 16:45 -
'Rikthehet' kanabisi në Lazarat, arrestohen babë e bir po kujdeseshin për bimët narkotike në oborrin e shtëpisë
16 Gusht 2023, 10:07 -
Merr flakë kabina elektrike në Lazarat, gjysma e fshatit pa energji elektrike
11 Dhjetor 2022, 09:42 -
Berisha akuza ndaj Ramës dhe Tahirit për krime lufte në Lazarat, harron policin e vrarë: Do ngrihen grupe hetimi, të gjithë do ndëshkohen
10 Tetor 2022, 12:46
