U arrestua me drogë në Turqi, efektivi përjashtohet përgjithmonë nga Policia e Shtetit

Policia e Shtetit ka përjashtuar përgjithmonë nga radhët e policisë, efektivin Florenc Bicerri që u kap me drogë në Turqi.

"Në lidhje me një rast të trafikimit të lëndëve narkotike, të goditur nga autoritetet turke ju sqarojmë se: Policia e Shtetit, në bashkëpunim me homologët turq, në lidhje me një rast trafikimi të lëndëve narkotike, në të cilin janë të përfshirë 3 shtetas shqiptarë, njëri prej tyre punonjës policie, ka ngritur një grup të dedikuar hetimor, për hetimin e rastit. Sqarojmë se punonjësi i Komisariatit të Policisë Rrugore Tiranë, shtetasi Florenc Bicerri, tashmë i arrestuar në Turqi, ka dalë nga Shqipëria, nëpërmjet Rinasit, më datë  05.10.2022. Për këtë punonjës policie, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit. Ndërkohë, grupi i dedikuar hetimor, në bashkëpunim me Agjencinë e Mbikëqyrjes Policore dhe me homologët turq, po vijon punën për zbardhjen e rrethaneve të rastit, evidentimin dhe kapjen e personave të tjerë të implikuar në këtë rast të trafikimit të lëndëve narkotike", njofton Policia. 

LEXO EDHE:
VIDEO/ Firmosi në Turqi, Rey Manaj pritet si 'mbret' nga tifozët

Lajmi kryesor:

Droga në valixhe nga aeroporti i Rinasit në Turqi, arrestohet efektivi i 'Rrugores'! Rrumbullaku e përjashton përgjithmonë nga Policia

SI.E./Shqiptarja.com

TAG:
• Adrian Qirici
• kujtim celiku
• Florenc Bicerri
• policia rrugore
• turqi