TURQI- Faruk Ozer, 'bossi' i kriptomonedhave është dënuar 11,196 vjet burg. Ai akuzohet për krime të shumta përfshirë mashtrimin, udhëheqjen e një organizate kriminale dhe pastrim parash. Gjykata në Stamboll përveç Ozer, dënoi edhe dy vëllezërit e motrat e tij me burg, Serap Özer dhe Güven Özer, duke i shpallur ata fajtorë për mashtrim të rëndë. Mediat lokale thonë se ata janë dënuar gjithashtu me një gjobë të rëndë gjyqësore rreth 5 milionë dollarë.
“Unë jam mjaft i zgjuar për të udhëhequr çdo institucion në Tokë. Kjo është e dukshme në këtë kompani që kam krijuar në moshën 22-vjeçare. Nuk do të kisha vepruar kaq amator nëse kjo do të ishte një organizatë kriminale”, tha ai para gjykatësit.
I riu turk u kap dhe u ekstradua nga Shqipëri, pasi ishte shpallur në kërkim ndërkombëtar, nga Gjykata e Lartë e Stambollit në vitin 2021. Ai akuzohet për mashtrim të 391 000 qytetarëve, nëpërmjet kriptomonedhave, me dëm ekonomik 2 miliardë dollarë. Hetimi i gjerë, i cili implikoi vëllezërit e motrat e Özer dhe katër punonjës të lartë të Thodex, çoi në arrestimin e të paktën 83 individëve. Gjatë gjykimit të mëpasshëm, 21 të pandehur u përballën me mundësinë e deri në 40.564 vjet burg.
Në vendimin e fundit të Gjykatës së 9-të të Penale të Anadollit, 16 nga 21 të pandehurit u shpallën të pafajshëm dhe katër nga shtatë personat e ndaluar më parë u liruan për shkak të provave të pamjaftueshme. Të pandehurit e mbetur morën dënime të ndryshme burgimi.
Arrestimi i tij
SHISH dhe Forcat Operacionale ndoqën për 5 javë Faruk Ozerin dhe dy shqiptarët. Jetesa e tij shtrihej me Elbasanit dhe resortit luksoz në Palasë. Për disa javë, Ozer ka shijuar plazhin e jugut në vend duke ndryshuar edhe pamje për të mos u njohur, me flokë të qethura dhe me mjekër. Ozer është identifikuar nga gjurmët e gishtërinjve që linte teksa pushonte në ambientet e plazhit luksoz. Bashkë me 28-vjeçarin u kap në Palasë të Himarës e bashkë me të u arrestua edhe Edevaldo Haxhiu, nipi i presidentit të Federatës Shqiptare të Futbollit, Armand Duka që akuzohet se e ndihmonte të shumëkërkuarin që t’i fshihej autoriteteve. Bosi i kriptomonedhave fshihej prej 4 muajsh në një banesë me qira në Elbasan, jo në emër të tij të cilën dyshohet se ia kishte siguruar Edevaldo Haxhiu.
Skema e mashtrimit
Faruk Ozer i arratisur prej muajit prill të vitit 2021 akuzohet në Turqi se në bashkëpunim me persona të tjerë ngriti një skemë mashtrimi nëpërmjet krijimit dhe shitjes së monedhave virtuale përmes kompanisë që vetë ai themeloi duke mashtruar rreth 400 mijë persona që investuan në platformën e tij, tashmë të mbyllur. Autoritetet atje i bllokuan llogaritë bankare të kompanisë THodex ku iu gjetën 16 milionë lira. Sipas mediave turke, në momentin që është arratisur nga vendi, Faruk Ozer kishte me vete një server ku mbahen 108 milion dollar në formë kriptomonedhash. Në Turqi janë arrestuar disa bashkëpunëtorë të 28-vjeçarit me akuzën e mashtrimit.
Themeluesi i Thodex, Faruk Ozer i dënuar me 11.196 vite burg nga gjykata turke për pastrim parash, mashtrim dhe themelim të një organizate kriminale, në dëshminë e tij ka thënë se e ka drejtuar këtë kompani që në moshën 22 vjeçare. Ai ka shtuar se me eksperiencën dhe zgjuarsinë që ka, nuk do të kishte vepruar kaq amator nëse kompania e tij do të ishte një organizatë kriminale.
“Unë jam mjaft i zgjuar për të udhëhequr çdo institucion në Tokë. Kjo është e dukshme në këtë kompani që kam krijuar në moshën 22-vjeçare. Nuk do të kisha vepruar kaq amator nëse kjo do të ishte një organizatë kriminale”, mësohet se ka thënë Faruk Ozer në gjykatë, raporton Anadolu.
Komente
Lajme të tjera
-
'Dorëzoni armët, ose do groposeni me to', Erdogan paralajmëron rebelët kurdë në Siri
25 Dhjetor, 15:50 -
Turqi/ Shpërthim në një fabrikë municionesh në provincën Balikesir, raportohet për 12 të vdekur dhe 3 të plagosur (VIDEO)
24 Dhjetor, 07:59 -
Ministri i jashtëm turk takon kreun e HTS-së në Damask
22 Dhjetor, 16:23 -
Turqi, helikopteri ambulancë përplaset me godinën e spitalit, 4 të vdekur (VIDEO)
22 Dhjetor, 10:30 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
Përpjekjet e Turqisë për të fituar një rol më të madh ndërmjetës më 2025
18 Dhjetor, 19:43 -
Ja si u arratis Assad nga Siria! Nga përdorimi i 2 avionëve tek ndihma e Turqisë
18 Dhjetor, 16:21 -
Protagonist si zëvendësues, Muçi nuk shmang dot disfatën e Besiktas! E mund Demirspori i Kurtulan (VIDEO)
17 Dhjetor, 11:56 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
Ministri i Mbrojtjes Nikos Dendias: Turqia po zgjeron pretendimet ndaj Greqisë
14 Dhjetor, 20:14 -
VIDEO/ Taulant Seferi shënon në Turqi, fiton duelin me Rey Manaj! Gol edhe Odise Roshi
14 Dhjetor, 19:21 -
Siri/ Rënia e Bashar al-Assad, Turqia rihap ambasadën në Damask pas 12 vjetësh
14 Dhjetor, 18:59
Ja ca do te thote shtet,ndersa ky laperi dukes doli per dy dite,nderkohe qe e strehoi ndihmoi te fshihet per me shum se nje vite,duke dhe i mare shuma marramendse lekesh.
PërgjigjuKe shume te drejte!! Tek ne hajdutet te bejne karshillek, e shofin shtetin nga lart posht pa ju dridhur syri!!