POP 5

Lajmet më të lexuara të 5 minutave të fundit

U arrestua për drogë/ Shqiptari i jep fund jetës në burgun francez. Dëshmia për Report Tv: Mbahej padrejtësisht në qeli

Foto ilustruese

FRANCË - Një 46-vjeçar shqiptar i ka dhënë fund jetës në burgun "La Talaurdiere” të qytetit Saint Etienne në Francë. Report Tv mëson se viktima është Liman Meta, nga Peshkopia, baba i dy fëmijëve. Ai është gjetur i pajetë mëngjesin e sotëm brenda në qeli. Meta ishte arrestuar 4 muaj më parë, pasi ishte ndaluar në një tren dhe i ishte gjetur nga policia një sasi lënde narkotike gjatë një kontrolli.

Një bashkëkombas, gjithashtu i dënuar në këtë burg, kontaktoi me Report Tv dhe tha se 46-vjeçari kishte mohuar të ishte e tija lënda narkotike, por autoritetet franceze nuk e kanë besuar versionin e tij. Prej katër muajsh ai mbahej në burg, ndonëse siç pretendohet, ndaj tij nuk kishte prova. Kontakti i fundit i tij ka qenë me një tjetër shqiptar nga Prishtina në orën 07:30 të mëngjesit të kësaj të premte, ndërsa një orë më pas, ai ka kryer aktin e vetëflijimit brenda në qelinë e burgut.

Ai rrëfen se Limani nuk i ishte ankuar për ndonjë problem, por shqetësimi i tij ishte fakti që mbahej prej 4 muajsh në burg, sipas tij padrejtësisht. Dyshohet se 46-vjeçari ka kryer vetëvrasjen në kushte të rënduara psikologjike. 

l.q.
Komento