U arrestua për grabitjen e karburantit në Kavajë dhe pengmarrje, Astrit Pukameka var veten në Burgun e Peqinit, 45-vjeçari ndërron jetë në spital

U arrestua për grabitjen e karburantit në Kavajë dhe pengmarrje, Astrit Pukameka var veten në Burgun e Peqinit, 45-vjeçari ndërron jetë në spital

Momenti kur u grabit karburanti në Kavajë

Astrit Pukameka, 45 vjeç, i cili u arrestua pak ditë më parë në Kavajë, ka varur veten në ambientet e paraburgimit të Burgut të Peqinit. Pukameka mësohet se ka ndërruar jetë në spitalin e Peqinit pasi i është dhënë ndihma e parë nga mjekët.

45-vjeçari u arrestua pak ditë më parë në Kavajë, pas një sherri në familje që degradoi në plagosje me thikë, pengmarrje dhe më pas 46-vjeçari kërcënoi se do të digjte një karburant. E gjithë ngjarja ishte si një skenë filmi.

Ngjarja
E gjitha ka nisur pas një sherri mes 45-vjeçarit Astrit Pukameka dhe një kushëririt të ish-bashkëshortes së tij, Bardhyl Petja të cilin e ka plagosur me thikë dhe është larguar me vrap. Nën kërcënimin e thikës, 45-vjeçari ka hipur në një taksi ku i ka kërkuar drejtuesit të mjetit ta largojë sa më shpejt nga aty. Më pas ai i ka kërkuar ta ndalojë në një pikë karburanti në Kavajë dhe pasi ka ndaluar ka plagosur me thikë taksistin Arjan Shau.

Më pas 45-vjeçari është futur në karburant ku ka grabitur xhiron ditore prej 120 mijë lekësh dhe më pas ka marrë një nga pompat e furnizimit me benzinë dhe ka kërcënuar se do i vinte flakën karburantit dhe vetes. Në këtë moment ka ndërhyrë në kohë policia, duke parandaluar dhe shmangur një ngjarje të rëndë kriminale me pasoja për jetën.

45-vjeçari akuzohej për veprat penale "Kanosja", "Plagosja e rëndë me dashje", "Plagosja e lehtë me dashje", "Vjedhja me dhunë", "Heqja e paligjshme e lirisë" dhe "Prodhimi, mbajtja, blerja apo shitja pa leje e armëve të ftohta".

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri