POP 5

Lajmet më të lexuara të 5 minutave të fundit

Politikë

U delegua si prefekt i Shkodrës/ Lamallari për Report Tv: Ishte vendim i Këshillit të Emergjencave! Qyteti ka ndryshuar (VIDEO)

Zv. ministri i Brendshëm, Besfort Lamallari ka zbuluar se nuk ka qenë kërkesa e tij për të marrë detyrën e Prefektit të Shkodrës, pas shkarkimit të Çesk Miljes, por ishte një vendim i Këshillit Ndërministror të Emergjencave Civile. Në intervistën e tij të parë në cilësinë e prefektit dhënë për Report Tv, Lamallari shprehet se situata në Shkodër ka njohur përmirësime dhe se qytetarët kanë filluar të respektojnë masat e marra.

TIRANË- Zv. ministri i Brendshëm, Besfort Lamallari ka zbuluar se nuk ka qenë kërkesa e tij për të zëvendësuar prefektin e shkarkuar, Çesk Miljes, por ishte një vendim i Këshillit Ndërministror të Emergjencave Civile. Në intervistën e tij të parë në cilësinë e prefektit dhënë për Report Tv, Lamallari shprehet se situata në Shkodër ka njohur përmirësime dhe se qytetarët kanë filluar të respektojnë masat e marra.

"Ishte një përgjegjësi shtesë dhe kushdo që caktohet në këtë detyrë do punojë maksimalisht, do bashkëpunojë me organet vendore për mbarëvajtjen e sigurt. Është vendimi i Këshillit Ndërministror të Emergjencave Civile. Ajo çfarë është e rëndësishme është menaxhimi sa më i mirë i situatës, nuk ka asnjë lloj ndasie apo përkatësie në këtë luftë të përbashkët", tha Lamallari.

Pyetur nga gazetari se çfarë do kishte dashur që të gjente ndryshe në Shkodër, ai tha se do preferonte që të zbatoheshin më tepër masat e marra nga qeveria, e ndërsa refuzoi të komentonte nëse kjo gjë ka pasur prapavijë politike. Nuk është koha për politike, shtoi Lamallari, sipas së cilit sot ka një prioritet më të madh se ngjyrimet e flamujve partiak që është shëndeti.

"Gjëja që do kisha dashur që të ishte më ndryshe, do doja të ishte ndërgjegjësimi i qytetarëve dhe bizneset për respektimin e masave, gjë e cila ka ndryshuar! Sot mund të them që situata është e përmirësuar, megjithatë nuk duhet të jemi shumë entuziast.  Refuzoj në cdo lloj situate, dalje publike, për hir të interesit madhor, të futem në debate politike, ka kohë për këto", tha Lamallari në intervistën për Report Tv.

Lamallari mori detyrën më 11 prill, pas shkarkimit të prefektit Çesk Milja, ku në arsyetimin e dhënë nga ministri Sandër Lleshaj ai, si hallkë e pushtetit vendor, nuk kishte reflektuar për kritikat.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • genti vlore: 16/04/2020 23:35

    Besi eshte vertet i zoti dhe profesionalist i vertete,suksese dhe pe me lart

    Përgjigju
  • Sondazhi i ditës:

    Skandali tek Onkologjiku, e kujt është përgjegjesia?

Lajme të tjera



×

Lajmi i fundit

E ardhmja e PD-së/ Nesturi: A do tërhiqet Berisha ndonjëherë? Luan Baçi: Ne morëm vulën, askush nuk u ndie

E ardhmja e PD-së/ Nesturi: A do tërhiqet Berisha ndonjëherë? Luan Baçi: Ne morëm vulën, askush nuk u ndie

3 Korrik, 22:55