Elbasan- Prokuroria e Posaçme kundër Korrupsionit dhe Krimit të Organizuar njoftoi sot (17 Shtator) se ka marrë nën akuzë një Oficere Gjyqësore në Elbasan, ndaj të cilës edhe GJKKO ka dhënë masën shtrënguese “arrest shtëpie” dhe Policia e Tiranës e ka ekzekutuar.
Veprimet janë kryer pasi është regjistruar procedimi penal Nr. 180 i vitit 2024, që bën fjalë për kryerjen e veprës penale “korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, në ngarkim të shtetases së dyshuar A. D.
Hetimet nisën pas denoncimit me filmime mbi rastin korruptiv të oficeres gjyqësore në fjalë, në Prokurorinë pranë Gjykatës së Shkallës së Parë të Juridiksionit Elbasan.
Në të e dyshuara i kërkonte dhe i merrte shtetases së moshuar H.Ll. shumën prej 1000 euro si shpërblim, për të pushuar çështjen penale në ngarkim të djalit të saj, për veprën penale “ndërtim i paligjshëm”.
“Nga kryerja e veprimeve të para hetimore rezultoi se ekziston dyshimi i arsyeshëm, i bazuar në prova, se shtetasja A. D., me detyrë Oficere e Policisë Gjyqësore, ka konsumuar elementët e veprës penale “korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, parashikuar nga neni 319/ç i Kodit Penal”, thuhet në njoftimin zyrtar të SPAK-ut.
Për këtë shkak Prokuroria ka kërkuar në Gjykatën e Posaçme caktimin e masës së sigurimit personal më 16 Shtator dhe GJKKO pasi e ka shqyrtuar ka vendosur pranimin dhe dhënien e masës shtrënguese “arrest shtëpie”, sipas Nenit 237 të Kodit Penal. Masa në fjalë konfirmohet se është ekzekutuar nga Policia e Tiranës po dje dhe sot u njoftua zyrtarisht.
“Hetimet për këtë procedim penal vazhdojnë me administrimin e provave të tjera për sqarimin e plotë të rrethanave të kësaj ngjarjeje”, sqaron SPAK.
Pamjet u administruan nga transmetimi i datës 10 Shtator në TCH, teksa hetimet janë ende aktive.
Lajme të tjera
-
Në 500 faqe vetëm fillimi i përgjigjes nëse SHBA-të kanë apo jo fakte ndaj korrupsionit të Berishës!
17 Shtator, 09:45
-
‘Merr jetë’ edhe kompleksi shkollë-kopsht në Cërrik, standarde europiane dhe ambiente bashkëkohore edukimi
17 Shtator, 08:16 -
DOSJA E SPAK/ Sali Berisha, në mbledhjen e qeverisë: Do privatizojmë terrenet sportive, nuk do lëmë asnjë stadium në Tiranë
17 Shtator, 07:14
-
Mero Baze: Familja Berisha ka tentuar t’i japë shtetit fytyrën e vet
16 Shtator, 20:48
-
Dosja ‘Partizani’, Beqiri: Familja e Saliut ka funksionuar si organizatë kriminale! Berisha rrezikon 8 vite burg, Malltezi minimumi 10! Petraj: Pasuritë do u konfiskohen
16 Shtator, 19:08 -
Meta nuk ndal sulmet ndaj Altin Dumanit: Po përdor SPAK për të marrë peng njerëz brenda opozitës
16 Shtator, 18:24 -
'Asgjë për t'u befasuar'/ Dosja 500 faqe për Berishën, Denis Dyrnjaja: Pritet vetëm vendimi i gjykatës! Berisha po gropos veten dhe PD-në
16 Shtator, 14:21 -
SHBA mbështet SPAK: Punë të shkëlqyer! Përfaqësuesja e DASH në Tiranë: Mbani korrupsionin nën kontroll të anëtarësoheni në BE
16 Shtator, 12:22
-
Akuza për trafik narkotikësh dhe grup të strukturuar kriminal, Apeli i GJKKO e dënon me 6.8 vite burg (EMRI)
16 Shtator, 12:11 -
U kap nga të dhënat e 'Sky ECC'/ Pëllumb Gjoka dërgon padi në Gjykatën Kushtetuese, kërkon pavlefshmërinë e përgjimeve të autoriteteve belge dhe franceze
16 Shtator, 10:51
-
Mori ryshfet 9 mln lekë të vjetra nga Rrumi i Shijakut, Apeli i GJKKO lë në fuqi dënimin me 2 vite burg për ish-avokatin e Shtetit
16 Shtator, 10:08 -
Elbasan/ Baste online përmes celularit, vihet në pranga pronari i lokalit! Nis hetimi në gjendje të lirë për 49 vjeçarin
16 Shtator, 09:09
