U dënua me burg përjetë pasi vrau kunatën për motive xhelozie, Apeli lë në fuqi vendimin e gjykatës për Dashamir Xhepën

Dashamir Xhepa dhe viktima Lirie Xhepa

Dashamir Xhepa i cili vrau për motive xhelozie kunatën, ka kërkuar që t’i hiqet dënimi ‘burgim i përjeshtëm’, por Gjykata e Apelit ka vendosur që të lërë në fuqi vendimin e Gjykatës së Rrethit Gjyqësor Tiranë, duke e lënë në burg.

Gjykata e Tiranës dënoi në janar të këtij viti me burg për jetë Dashamir Xhepën, i cili më 14 shkurt të 2019 vrau kunatën e tij, Lirie Xhepa dhe më pas trupin e pajetë e hodhi në ferra. Trupa gjykuese pranoi kërkesën e prokurorisë që Xhepa të mbyllej në qeli përjetë për krimin e bërë.

Bëhet fjalë për ngjarjen që tronditi opinion publik më 14 shkurt të një viti më parë. Xhepa, pas vdekjes së vëllait vrau kunatën e tij, nënë me katër fëmijë, për konflikte me pronat dhe se sipas tij “Lirie Xhepa i kishte ulur reputacionit familjes”.

‘Kishim konflikte për pronat pas ndarjes nga jeta të vëllait tim, na kishte ulur reputacionin e familjes duke krijuar marrëdhënie intime me të tjerë në fshat ndaj e vrara’-ka deklaruar më herët Dashamir Xhepa, para gjykatës.

Xhepa u arrestua 13 ditë pas vrasjes së kryer, në një hotel në Peshkopi, ndërsa efektivët e policisë ishin kamufluar si klientë. Gruaja 49-vjeçare, Lirie Xhepa nëna e 4 fëmijëve, u gjet e pajetë pranë kodrave të liqenit të Sharrës. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Varianti i ri Omicron dhe dimri, a duhen ashpërsuar masat anti-Covid?



×

Lajmi i fundit

John

Rama ironi me Shehun: S’më keni dëgjuar, por lexove përgjigjen që kishe shkuar! Më vjen keq që flet me vete! ‘Ballkani i hapur’ do vazhdojë