POP 5

Lajmet më të lexuara të 5 minutave të fundit

Kronikë

'U futën në ujë të ndihmonin njëri tjetrin, mbyten babai me dy djemtë dhe nipin! Shefi i zjarrfikëses së Gramshit: Liqeni i Banjës me gropa të rrezikshme

Shefi i Zjarrfikëses së Gramshit, Ilir Llapushi zbulon se çfarë mund të ketë ndodhur pasditen e 21 korrikut 2023 në liqenin e Hidrocentralit të Banjës në fshatin Drizë të Gramshit, me Arben Zogun, 46 vjeç, Rubensin 19 vjeç dhe Estin e vogël 14 vjeç si dhe nipin e tij Melis Zogu, 20-vjeç

Babai dy djemtë e tij, 19 e 14 vjeç dhe nipi 20 vjeç kanë dashur të ndihmojnë njëri tjetrin por nuk kanë mundur t'ia dalin. Tërheqja ka qenë më e fortë dhe të katërt janë mbytur.

Shefi i Zjarrfikëses së Gramshit, Ilir Llapushi zbulon se çfarë mund të ketë ndodhur pasditen e 21 korrikut 2023 në liqenin e Hidrocentralit të Banjës në fshatin Drizë të Gramshit, me Arben Zogun, 46 vjeç, Rubensin 19 vjeç dhe Estin e vogël 14 vjeç si dhe nipin e tij Melis Zogu, 20-vjeç..

“Kanë tërhequr njëri tjetrin. Është mbytur i pari, ka shkuar tjetri për ta ndihmuar, dhe më pas tjetri dhe më pas djali tjetër. Nuk kanë ditur not”

Liqeni i HEC të Banjës karakterizohet nga gropa për të cilat duket se asnjë nga viktimat nuk ka qenë në dijeni.

“Këtu fatkeqësisht ka pasur disa gropa që janë bërë në kohën e bërjes së HEC të Banjës. Kanë marrë dhe për HEC.Kur janë future për tu larë nuk kanë ditur gjë për gropat dhe kanë tërhequr njëri tjetrin.

Liqeni i HEC të Banjës nuk frekuentohet për të bërë plazh dhe për shefin e zjarrfikëses kjo tragjedi është e papritur.

“Në këtë liqen nuk lahet njeri. Këtu nuk është plazh. Ata nuk e di mbase kanë ardhur për peshk, nuk e di. Ne patrullojmë vazhdimisht këtu dhe këtu nuk lahet njeri. Edhe dje ishim. Patrullojmë liqenin me gomone, por fatkeqësisht sot nuk erdhëm” tregon më tej .

Ka një apel për të gjithë, kujdes nëse nuk dini not. Sidomos Liqenet . "Një që nuk di not nuk duhet të futet në liqen sepse është shumë e rrezikshme"

Policia u njoftua rreth orës 19:00 nga familjarët për zhdukjen e tyre, ndërsa vonë u arrit nxjerrja e trupave të pajetë nga liqeni. Palombarëve të RENEA-s u  janë dashur rreth 90 minuta kërkime për të gjetur trupat e pajetë të babait dy djemve të tij dhe nipit 20 vjeçar.


Lajmi kryesor:

Tragjedi në Gramsh, mbyten në Liqenin e Banjës babai me 2 djemtë e mitur dhe nipin! Palombarët nxjerrin nga uji trupat e 4 viktimave (VIDEO)
S.G/Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja, Presidenti e Kryeministri urojnë besimtarët katolikë! Begaj: Të reflektojmë mbi vlerat më të larta të njerëzimit

Krishtlindja, Presidenti e Kryeministri urojnë besimtarët katolikë! Begaj: Të reflektojmë mbi vlerat më të larta të njerëzimit

25 Dhjetor, 08:09