POP 5

Lajmet më të lexuara të 5 minutave të fundit

Kronikë

U gjenden 507 kg marijuanë në
gomone, pranga 2 shqiptarëve

Një sasi prej 507 kilogramë marijuanë që vinte nga Shqipëria është kapur dhe sekuestruar në Brindisi, në Itali ditën e sotme. Lënda narkotike e cila kapte vlerën e 5 milionë eurove, po transportohej me një gomone 6 metra e gjatë. Pranga 2 shqiptarëve.
U gjenden 507 kg marijuanë në<br />gomone, pranga 2 shqiptarëve
BRINDISI- Një sasi prej 507 kilogramë marijuanë që vinte nga Shqipëria është kapur dhe sekuestruar në Itali ditën e sotme. Lënda narkotike e cila kapte vlerën e 5 milionë eurove, po transportohej me një gomone 6 metra e gjatë. Guardia di Finanza italiane ka bërë të mundur evidentimin, ndjekjen dhe kapjen e gomones me mbi gjysmë kuintali marijuanë në bord që po drejtohej me shpejtësi të madhe drejt brigjeve të Italisë. Gjatë operacionit u kapën nga autoritetet italiane dhe dy skafistët që drejtonin mjetin lundrues.
 
Reparti operativ aeronaval i Barit ka bërë të mundur arrestimin e dy shtetasve shqiptarë D. E., 37 vjeç dhe S. J., 32 vjeç. Të dy të arrestuarit janë ndjekur për një distancë të gjatë në ujërat e Adriatikut dhe gjatë kohës që po mundoheshin të arratiseshin, sipas Guardia di Finanza, po mundoheshin të hidhnin në det një pjesë të drogës që kishin në bordin e gomones. Ndjekjes së gomones, përveçse motovedetave italiane, u janë bashkangjitur edhe helikopterë të Guardia di Finanza.
 
Gomonia e ndaluar, mbi 6 metra e gjatë, dhe e pajisur me një motorr potent, është shoqëruar drejt portit të Brindizit. Droga e sekuestruar, gati 507 kg, është e tipit marijuanë dhe mendohet se nëse do të arrinte tregun italian do t’u sillte trafikantëve një fitim prej gati 5 milionë eurosh.
droga brindisi

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01