Zbardhen detaje të reja nga krimi monstruoz që i mori jetën gruas 45 vjeçare Suela Sula. 47 vjeçari Sadetin Sula nuk e pranon te jete ai autori i vrasjes se bashkeshortes.

Sipas burimeve për Shqiptarja.com ai ka thene ne polici se gruaja e tij vari veten ne tualetin e mobilerise së tyre të përbashkët. Megjithatë versionet e tij janë kontradiktore me ngjarjen dhe faktet e ekspertizës mjeko ligjore.

Kjo dëshmi e tij është ndërruar disa herë duke qenë konfuz përpara oficerëve të policisë, duke ngatërruar oraret e lëvizjes apo edhe itinerarin, gjë e cila ka krijuar dyshime që janë vërtetuar edhe pas raportit të ekspertizës mjekoligjore. I pyetur nëse ka pasur probleme në marrëdhënien në çift, Sadetin Sula e ka pranuar një gjë të tillë, por sërish nuk e ka pranuar autorësinë, duke thënë se nuk ka lidhje me vdekjen e bashkëshortes së tij dhe se ajo është vetëvrarë.

Suela Sula u gjet e vdekur tre ditë më parë ne tualetin e mobilerise se saj ne Shkoder, ndersa fillimisht u dyshua se ajo ishte vetëvrarë. Me pas policia e Shkodres nisi hetimet per zbardhjen e kesaj ngjarje, ndersa i dyshuari kryesor ishte bashkeshorti i saj, Sadetini i cili u ndalua në cilësinë e autorit të dyshuar të ngjarjes

Ky i fundit gjate marrjes ne pyetje vijon te mos pranoje akuzat per vrasjen e bashkeshortes tij.

Redaksia online
(s,.m/shqiptarja.com)