U gjet i vrarë me thikë në fyt, letra e 'çuditshme' e lamtumirës në xhepin e avokatit shqiptar

U gjet i vrarë me thikë në fyt, letra e 'çuditshme' e lamtumirës në xhepin e avokatit shqiptar

Aineo Redo dhe vendi ku u gjet i vdekur avokati shqiptar

Detaje të reja kanë dalë në dritë nga ngjarja e rëndë në Itali, ku u gjet i vrarë me thikë në fyt avokati shqiptar Aineo Redo. Në xhepin e rrobave që kishte veshur iu gjet një letër, ndërsa një tjetër ishte lënë në zyrën ligjore ku punonte. 

Mediat italiane bëjnë me dije se në letrën që iu gjet në xhep, kishte kërkuar falje për aktin ekstrem, por mbetet e paqartë nëse është shkruar nga vetë ai. Vijojnë hetimet për krimin makabër pasi avokati u gjet i vdekur midis rrugës, në Reggio Emilia në Itali nga një kalimtar i rastit, i cili lajmëroi policinë.

Hetuesit gjetën në vendngjarje thikën në dorën e viktimës. 

Pista e parë e hetuesve është vetëvrasja, por nuk përjashtohet edhe pista e vrasjes. Kjo pasi ka dyshime se autori të ketë vendosur thikën në dorën e 49-vjeçarit për të shmangur hetimet në mënyrë që ngjarja e rëndë të duket si vetëvrasje. Gjithçka pritet të zbardhet nga pamjet e kamerave të sigurisë në rrugë.

Redo ka lënë gruan dhe dy fëmijët e tij 9 dhe 18 vjeç. Të tronditur nga kjo ngjarje janë dhe kolegët e tij, njëri prej të cilëve ka rrëfyer takimin e fundit me të dhe pasionin që kishte për futbollin.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryebashkiakë’ në burg, vendi vakant pas dorëheqjes së Goros! Këshilli Bashkiak komandon sot kryebashkiakun e ri

Himara 2 ‘kryebashkiakë’ në burg, vendi vakant pas dorëheqjes së Goros! Këshilli Bashkiak komandon sot kryebashkiakun e ri