U grabit nga të rinjtë/ Flet e moshuara në Lushnje: Mbesa u shtang! Fqinji: Mendova se iu fut në shtëpi goca, jo se po e grabisnin (VIDEO)

E moshuara, Lume Zela ka treguar se jeton e vetme në banesën e saj në Lushnje, gjë të cilën e kanë shfrytëzuar edhe hajdutët.

“Jetoj e vetme vetëm me mbesën, është vit i dytë edhe ajo u shtang kur erdhi gjeti gjithë atë rrëmujë, ‘ça ka ndodhur’ . Kam një goc, të ëmën e mbesës, djali punon në Tiranë, rri me qira, vajzën tjetër e kam në Kosovë, jetoj vetëm me mbesën”, tha e moshuara.

Një fqinj, shprehet se e ka parë 16-vjeçaren teksa po i shkonte në shtëpi, por ka menduar se ishte vajza e saj.

“E pashë te dera, mendova se ishte goca, ika u largova. Kur tak-tak derës, thashë se ishte goca dhe i ishte prishur brava, se unë s’e lija të hynte se unë këtu rri gjithë ditën. Dhe pastaj kur erdha me karrocën me bar, shoh policinë. Shyqyr zoti që nuk e ka gjetur gjë”, tha një fqinj.

E moshuara që ra pre e grabitjes dhe fqinji

 

Lajmi kryesor:

‘Më jep një gotë ujë se jam sëmurë’/ 16-vjeçarja mashtron të moshuarën për ta grabitur, e dhunon dhe i hedh spraj lotsjellës! Arrestohet së bashku me shokun (VIDEO)

B.K./b.ha./Shqiptarja.com

TAG:
• grabitje
• e moshuara
• lushnje
• arrestohen