U infektua më COVID-19, Kosta Grillo në gjendje kritike në Turqi, kolegët thirrje për ndihmë: Do i nënshtrohet një trajtimi të ri, familja nuk e përballon dot

Komentatori i njohur sportiv Kostandin Grillo vijon të kurohet në Turqi pas infektimit me COVID-19, ndërsa gjendja e tij shëndetësore raportohet që të jetë e rëndë.

Kurimi në Turqi ka kostot e veta dhe për këtë kolegët dhe miqtë e Kosta Grillos, kanë kërkuar ndihmë duke bërë apel për ndihmë. Kolegu i tij, gazetari Ervin Petraq Baku ka njoftuar se Grillo ka nevojë për ndihmë, pasi duhet t’i nënshtrohet një trajtimi të ri i cili është i kushtueshëm dhe familja e komentatorit e ka të pamundur ta përballojë.

"THIRRJE URGJENTE!!! Vëllai jonë KOSTA GRILLO ka shumë nevojë për ndihmën tuaj!!! Situata është kritike dhe do të aplikohet një trajtim i ri (stem cell) për ta kthyer vëllain tonë mes nesh. Mikrofoni i sportit po pret me padurim padronin e tij! Familja nuk ka më asnjë mundësi të përballojë shpenzimet marramendëse të spitalit turk.

LEXO EDHE:
'S'dua të ndjeni mëshirë për mua', Rey Manaj: Idhull kam Ronaldo Fenomenin, më pëlqen bakllavaja

JU LUTEM, ta ndihmojmë vëllain tonë KOSTA GRILLO!

Sipas mundësisë tuaj, jepni një kontribut financiar në këtë llogari:

Llogaria është në emër të:LEDIA GRILLO KASEM

Raiffeissen Bank

Nr. llogarisë dhe IBAN: AL74202120070000000200014318

Çdo minutë vlen!!!", thuhet në postimin e Bakut.

Më 12 gusht Kosta Grillo u dërgua për mjekim të specializuar në Turqi në spitalin Memorial që është i specializuar për koronavirusin. Kosta Grillo përveçse komentator dhe gazetar prej vitesh është edhe menaxher futbollistësh. Grillo nuk ishte infektuar më parë me Covid dhe prej disa ditësh ka qenë i shtruar në një spital privat në Tiranë por me rëndimin e gjendjes u dërguar në Turqi.  

TAG:
• Kostandin Grillo
• turqi
• koronavirus ne shqiperi