U kap duke drejtuar makinën në gjendje të dehur e tentoi të korruptonte me 5 mijë lekë policin, arrestohet i riu në Tiranë (VIDEO)

TIRANË- Një i ri është arrestuar pasi ka tentuar që të korruptojë policin rrugor me 5 mijë lekë, pasi i kap duke drejtuar mjetin në gjendje të dehur. Në pranga ka rënë R. P., 35 vjeç.

Ai kishte konsumuar alkool në masën 0.44 mg/l. Ndërkohë, përgjatë 48 orëve të fundit, janë arrestuar edhe 5 shoferë të tjerë mjetesh, 3 prej tyre për drejtim mjeti në gjendje të dehur dhe 2 për drejtim mjeti pa leje drejtimi.

"Rrugorët e kryeqytetit, në funksion të kontrolleve policore parandaluese, ditën e djeshme, kanë konstatuar dhe verifikuar se shtetasi me iniciale R. P., 35 vjeç, po drejtonte mjetin nën efektin e alkoolit, në masën 0.44 mg/l.

Gjatë kryerjes së veprimeve policore, ky shtetas i ka ofruar agjentit verifikues një kartëmonedhë me prerje 5000 lekë të rinj, me qëllim shmangien e ndëshkimit për shkeljen e kryer. Në këto kushte drejtuesi i automjetit është arrestuar në flagrancë për veprën penale  “Korrupsioni aktiv ndaj personave që kryejnë funksione publike”.

Gjithashtu, përgjatë 48 orëve të fundit, në funksion të kontrolleve parandaluese, janë arrestuar edhe 5 drejtues të tjerë mjetesh, 3 prej tyre për drejtim mjeti në gjendje të dehur dhe 2 për drejtim mjeti pa leje drejtimi", njofton policia.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet