S'ka moshë për të veshur bluzën e bardhë! Mjekja në pension ndihmon shtatzënën të lind

S'ka moshë për të veshur bluzën e bardhë! Mjekja në pension ndihmon shtatzënën të lind

Foto ilustruese

TIRANE - Burbuqe Ajazi, është një mjeke gjinekologe e dalë në pension prej vitesh, por pa harruar kurrë misionin fisnik të profesionit të saj, sjellja në jetë të foshnjave. Në një situatë kur vendi është i paralizuar dhe koronavirusi kërcënon me humbje jetësh, mjekja në pension dha shembullin më human dhe njerëzor duke rikthyer në punë në spitalin e Peqinit dhe ndihmon shtatzënën të lind, pasi koha nuk premtonte që ajo dërgohej në martenitetin e Elbasanit.  

Ishte vetë Burbuqja që ndau lajmin e bukur të ardhjes në jetë të një foshnje i gjinisë mashkullore me peshë 3 kg e 400 gr, duke shoqëruar postimin me shprehjen më të ëmbël dhe shpresëdhënëse për të gjithë qytetarët sidomos në këtë kohë ankthi dhe pasigurie për jetën.

 "Në këtë situatë të Covid 19 urojmë vetëm lindje dhe jo humbje jetësh", shkruan Burbuqja.

Rastet frymëzuese si ajo e mjekes Burbuqe Ajazi janë të nevojshme, sidomos kur vijnë nga njerëz të thjeshtë, të cilët ushtrojnë profesionin jetësor të bluzës së bardhë, duke u treguar të gjithëve se edhe pse ata tashmë janë jashtë sistemit të punës për shkak të moshës, janë ende të aftë për të dhënë ndihmën e tyre kudo që ndodhen dhe në çdo situatë që lind nevoja. Janë pikërisht sakrificat e tyre dhe lufta që bëjnë për të shpëtuar jetë që i kthen bluzat e bardha në heronjtë e njerëzimit.

Ky solidaritet dhe humanizëm u përshëndet dhe nga kreu i shtetit Ilir Meta, i cili tha se raste të tilla frymëzojnë dhe janë shembull për brezat e rinj të mjekëve dhe infermierëve.

Ne.k.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit