U përpoqën t'ia mbathnin policisë, shqiptarët në Itali përfshihen në aksidentin tragjik! Ndërron jetë njëri prej tyre

ITALI- Një ngjarje e rëndë është regjistruar në Itali ku 2 persona me origjinë shqiptare janë përfshirë në një aksident ku për pasojë ndërroi jetën njëri prej tyre.

Ngjarja ndodhi në provincën e Caserta, ku policia italiane bëri me shenjë që mjeti të ndalonte për kontroll, një urdhër që shoferi nuk iu bind, duke i dhënë edhe më shumë gaz makinës.

Media italiane "La Stampa" raporton se për pasojë nga aksidenti ndërroi jetë 31-vjeçari shqiptar, ndërsa bashkëkombësi i tij, një 26-vjeçar tentoi të arratisej, por u arrestua pak çaste më vonë.

Dinamika e ngjarjes, si ndodhi aksidenti:  

Teksa ishin duke udhëtuar në provincën e Caserta dy të rinjve iu bë një sinjalizim nga karabinierët por, shoferi nuk ju bind, duke i dhënë edhe më shumë gaz gjë që vijoi me një përplasje të fortë.

Nuk janë zbuluar ende rrethanat e aksidentit të rëndë, por dyshime të mëdha ka sa i përket shpejtësisë së lartë dhe një kthesë të befasishme për shoferin.

Ndërkohë, pasi 31-vjeçari ndërroi jetë në vendngjarje, shoqëruesi i tij 26-vjeçar është përpjekur të arratisej,  por pa sukses, ai u arrestua pak çaste më vonë nga policia.

Nuk përjashtohet mundësia që të dy të ndodheshin në një makinë të vjedhur dhe për këtë arsye nuk janë ndalur pas thirrjes së policisë.

G.MO/Shqiptarja.com

TAG:
• itali
• aksident ne itali