U plagos në aksident, Gledis Nano viziton efektivin e policisë: Shërim të shpejtë, s'do ketë anshmëri në ekspertizë

Drejtori i Përgjithshëm i Policisë së Shtetit Gledis Nano, vizitoi në Spitalin Ushtarak në Tiranë, punonjësin e Policisë Rrugore, inspektor Selami Lusha, dhe të aksidentuarin tjetër Zenel Murra të cilët u përplasën në aksident me njëri-tjetrin në aksin rrugor Bulqizë-Shupenzë. Nano i ka uruar shërim të shpejtë punonjësit të Policisë Selami Lusha. Gjatë bisedës me familjarët e punonjësit të Policisë, Nano u ka ofruar atyre mbështetjen për çdo nevojë dhe nëpërmjet Bratajt, është interesuar për t’i ofruar punonjësit të Policisë, por edhe të dëmtuarit tjetër në aksident, Zenel Murra, të gjithë ndihmën e nevojshme mjekësore. Brataj ka siguruar Nanon se të dy pacientët do të kenë ndihmën maksimale mjekësore, duke theksuar se të dy pacientët tashmë nuk kanë më rrezik për jetën.

Njëkohësisht, Drejtori i Përgjithshëm Gledis Nano ka vizituar edhe drejtuesin e automjetit tjetër të përfshirë në aksident, Zenel Murra, të cilit i ka uruar shërim të shpejtë. Gjatë bisedës me familjarët, Drejtori i Përgjithshëm ka theksuar se e rëndësishme është që kanë shpëtuar jetën. Gjithashtu ka theksuar që të jenë të qetë përsa i përket veprimeve që po kryen grupi hetimor, pasi nuk do të ketë anshmëri në kryerjen e ekspertizës, për të përcaktuar fajësinë e ndodhjes së aksidentit.

LEXO EDHE:
Mat/ Humbi kontrollin e makinës, 40 vjeçari përplas për vdekje të moshuarin

Gledis Nanos viziton në spital të aksidentuarit

TAG:
• bulqizë
• aksident rrugor
• Diber
• selami lusha
• zenel murra

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1508

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq