POP 5

Lajmet më të lexuara të 5 minutave të fundit

Kronikë

U plagosën me armë 2 vëllezër, policia e Shkodrës zbardh ngjarjen e rëndë dhe prangos autorin

Policia e Shkodrës ka zbardhur ngjarjen e ndodhur 2 ditë më parë në Shkodër, ku mbeten të plagosur me armë zjarri dy vëllezërit Lekndreaj. Policia ka vënë në pranga autorin e dyshuar të kësaj ngjarje Avni Dekovi dhe ka shpallur në kërkim vëllain e tij.

U plagosën me armë 2 vëllezër, policia e Shkodrës zbardh ngjarjen e rëndë dhe prangos autorin

Foto ilustruese

Policia e Shkodrës ka zbardhur ngjarjen e ndodhur 2 ditë më parë në Shkodër, ku mbeten të plagosur me armë zjarri dy vëllezërit Lekndreaj. Policia ka vënë në pranga autorin e dyshuar të kësaj ngjarje Avni Dekovi dhe ka shpallur në kërkim vëllain e tij. Konflikti ka ndodhur në lagjen “Mark Lula”, pas një konflikti të çastit në ambientet e një bar-kafeje.

Njoftimi i policisë

Dokumentohet ngjarja e ndodhur në datën 11.01.2021, në lagjen “Mark Lula”, ku mbetën të plagosur dy vëllezër. Arrestohet autori i dyshuar i kësaj ngjarjeje, shpallet në kërkim vëllai i tij.  Strukturat e Komisariatit të Policisë Shkodër, në bashkëpunim me DVP Shkodër, falë veprimeve të shpejta hetimore, kanë bërë identifikimin dhe arrestimin e autorit të ngjarjes së ndodhur në datën 11.01.2021, ku mbetën të plagosur dy vëllezërit E. L., 24 vjeç dhe E. L., 26 vjeç, banues në Shkodër.

Si rezultat i veprimeve hetimore, Policia vuri në pranga autorin e dyshuar, shtetasin A. D., 36 vjeç, banues në Shkodër, si dhe ka shpallur në kërkim vëllanë e tij, shtetasin M. D., 32 vjeç, banues në lagjen “Qemal Stafa”, Shkodër, për veprat penale “Mbajtja pa leje e armëve dhe e municionit”, “Plagosja e lehtë me dashje” dhe “Kanosja”.

Këta shtetas, mbrëmjen e datës 11.01.2021, në lagjen “Mark Lula”, pas një konflikti të çastit në ambientet e një bar-kafeje, kanë plagosur me armë zjarri vëllezërit E. L., 24 vjeç dhe E. L., 26 vjeç, banues në Shkodër, të cilët kanë marrë mjekim në spitalin rajonal Shkodër dhe aktualisht ndodhen jashtë rrezikut për jetën. Materialet iu referuan Prokurorisë së Rrethit Gjyqësor Shkodër, për veprime të mëtejshme.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Balla takon Presidentin e Emirateve të Bashkuara Arabe, Muhammed Bin Zayed Al Nahyan

Balla takon Presidentin e Emirateve të Bashkuara Arabe, Muhammed Bin Zayed Al Nahyan

24 Prill, 20:18