POP 5

Lajmet më të lexuara të 5 minutave të fundit

Sociale

U prek nga meningjiti akut, humb jetën 17-vjeçarja nga Durrësi! Familjarët dhe mjekët që e asistuan udhëzohen të vaksinohen

Burime nga Spitali Rajonal Durrës bëjnë me dije se ditën e djeshme është paraqitur në gjendje të rëndë shëndetësore 17-vjeçarja me inicialet N.Ç. Në këto kushte ajo është dërguar urgjent për në Tiranë për një mjekim më të specializuar, por ka qenë e pamundur mbajtja e saj në jetë. Çfarë është meningjiti, simptomat dhe rreziqet

U prek nga meningjiti akut, humb jetën 17-vjeçarja nga Durrësi! Familjarët dhe mjekët që e asistuan udhëzohen të vaksinohen

Spitali i Durrësit

Durrës- Një vajzë e mitur ka humbur jetën në QSUT në Tiranë, si pasojë e prekjes nga meningjiti akut.

Burime nga Spitali Rajonal Durrës bëjnë me dije se ditën e djeshme, (14 Dhjetor), është paraqitur në gjendje të rëndë shëndetësore 17-vjeçarja me inicialet N.Ç.

Pas diagnostikimit, vajza e re është konstatuar se ishte prekur nga një meningjit akut.

Në këto kushte ajo është dërguar urgjent për në Tiranë, në QSUT për një mjekim më të specializuar, por ka qenë e pamundur mbajtja e saj në jetë, pasi paraditen e sotme ka ndërruar jetë.

Gazetari i Report TV, Artur Korriku, informon se në bazë të protokollit, në të tilla raste, Drejtoria e Shëndetit Publik udhëzoi të gjithë personat që kanë asistuar të ndjerën, personel shëndetësor dhe familjarë të vaksinohen me vaksinën përkatëse, pasi është një sëmundje ngjitëse dhe e rrezikshme.

Drejt Tiranës vajza është nisur për një mjekim më të specializuar në Spitalin Infektiv, pasi gjendja shëndetësore ishte kritike, por nuk ka mundur të mbijetojë edhe pas këtij trajtimi.

Dhe për shkak se meningjiti është ngjitës, mësohet se po trajtohen me profilaksi edhe familjarët e 17-vjeçares së ndjerë, si dhe personeli mjekësor që e trajtoi atë.

Çfarë është meningjiti? 

Meningjiti është një sëmundje që shkaktohet nga një lloj bakteri i veçante (meningoku), i cili prek shtresat mbrojtëse që veshin trurin.
Kjo sëmundje shoqërohet me temperaturë, vjellje, dhembje të forta koke. Në qoftë se ndihma mjekësore nuk merret në kohën e duhur, i sëmuri edhe mund të humbasë jetën.
Shkaktues të ndezjes së cipës së trurit janë kryesisht viruset. Po ashtu edhe bakteret mund të shkaktojnë meningjitin.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Si ndodhi vrasja e shqiptares në Itali/ Goditjet me thikë dhe mesazhet e rreme në WhatsApp, përpjekjet e ish-të dashurit për të fshehur krimin

Si ndodhi vrasja e shqiptares në Itali/ Goditjet me thikë dhe mesazhet e rreme në WhatsApp, përpjekjet e ish-të dashurit për të fshehur krimin

2 Prill, 13:47