POP 5

Lajmet më të lexuara të 5 minutave të fundit

Sport

U prezantua te Metz, drejtori i Partizanit konfirmon: Skuka shitja më e shtrenjtë në historinë e futbollit shqiptar

Drejtori i klubit të Partizanit Elton Marini ka konfirmuar për Report TV se Xhuliano Skuka është shitja më e shtrenjtë në historinë e futbollit shqiptar. Sakaq Superliga rikthehet të mërkurën me 2 ndeshje për javën e 18 ku spikat Bylis-Vllaznia.

Xhuliano Skuka është konfirmuar si shitja me e shtrenjtë ndonjëherë nga Superliga shqiptare. Për Report TV drejtori sportiv i klubit të Partizanit Elton Marini thotë se Metz në Francë do pagujë 1.4 milionë euro për transferimin e sulmuesit 24-vjeçar.

Metz ka pranuar të paguajë menjëherë 1 milionë euro, ndërsa 400 mijë të tjera parashikohen në formë bonusesh. Sakaq Partizani ka arritur të mbajë edhe 20% të kartonit në rast se shitet në të ardhmen. Shitja më e shtrenjtë para Skukës në Superligë ishte Peter Olayinka nga Skënderbeu te Gent në Belgjikë për 1.1 milionë euro. Sa i takon Skukës të hënën ai u prezantua zyrtarisht te Metzi ku deklaroi se është shumë i lumtur dhe mezi pret të debutojë. Në Francë dibrani do fiotojë afërsisht 320 mijë euro në sezon, ndërsa ka firmosur për 2 vite e gjysmë.

Sakaq Superliga shqiptare rikthehet të mërkurën me 2 ndeshje për javën e 18 ku Vllaznia do kërkojë fitoren e tretë radhazi, por këtë herë kundër Bylisit.

“Një sukses nuk zgjat më shumë se 10 minuta. Duhet të fokusohemi të ndeshja e ardhshme sepse unë e di shumë mirë se sa do suksese të ketë sapo të vijë një e keqe shumëzohen me zero,"-u shpreh Mirel Josa, trajneri i Vllaznisë.

Sfida tjetër e së mërkurës do të jetë mes Laçit dhe Kastriotit.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51