POP 5

Lajmet më të lexuara të 5 minutave të fundit

Kronikë

U prishet jahti, tre turistët austriakë bllokohen në detin e Durrësit

Drejt jahtit të ngecur tre milje larg bregut janë nisur rojet bregdetare të Durrësit. Dyshohet se shkak për avarinë në motorin e jahtit është bërë moti i keq. 

Një jaht me turistë austriakë ka pësuar difekt në detin e Durrësit, ku si pasojë nuk mundet të lëvizë. Nga ky mjet lundrues është dhënë sinjali SOS në Kapitenarinë e Durrësit. Brenda jahtit ndodhen 3 turistë austriak ndërsa raportohet se mjeti ndodhet 3 milje larg bregut. Personat në fjalë kanë kërkuar ndihmë nga ku kanë raportuar se motori i Jahtit ka pësuar avari dhe është fikur.

Gazetari i Report TV, Artur Korriku raporton se për ti ardhur në ndihmë jahtit të ngecur në det, janë nisur Rojet Bregdetare nga Plepat në bregdetin e Durrësit, si dhe Policia Kufitare. Jahtit i është prishur motori ndërsa dyshohet se shkak i avarisë të  ketë qënë moti i keq dhe dallgët. Për shkak të erës dhe dallgëve Jahti është zhvendosur drejt Porto Romanos, ndërsa me mbërritjen e ndihmës pritet që të tërhiqet drejt bregut.

Mjeti lundrues në fjalë rezulton që është i regjistruar në Holandë, por flamuri identifikues në të është austriak.Ndërkohë problemi përfundimtarë që ka sjellë fikjen e motorit pritet të zbardhet ditën e nesërme pas hapjes dhe kqyrjes së pjesëve motorike.

Në lidhje me këtë operacion shpëtimi ka reaguar edhe Drejtoria e Përgjithshme Detare:

"Kapiteneria e Portit Durres, Policia Kufitare, Roje Bregdetare po zhvillojne nje operacion shpetimi per te shpetuar Jahtin FRANCY me tre austriake ne bord qe ka pesuar difekt ne moterr. Vete kapiteni i portit Taulant Allka eshte ne bordin e anijes Joni dhe po i afrohen jahtit qe era dhe koha e keqe po e shtyn drejt detit te hapur.Roja bregdetare sapo mberriti dhe jahti do rimorkiohet drejt portit te Durresi. Kjo eshte Administrata Detare qe duam."

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46