POP 5

Lajmet më të lexuara të 5 minutave të fundit

Kronikë

U raportua si aksident, zbardhet sherri në Lezhë! Arrestohet i riu që kërcënoi me armë 23-vjeçarin, u përplas me një makinë kur po largohej! 3 në kërkim

Një ngjarje e raportuar thjesht si aksident mbrëmjen e së premtes (24 mars), ishte në fakt sherr mes të rinjve që përfundoi në kërcënime me armë zjarri. Për pasojë është arrestuar një 20 vjecar Anteo Fizi dhe janë shpallur në kërkim 2 shokët e tij, Kristjan Gjergji dhe David Doda bashkë me 23-vjecarin Ednant Lulaj që u kërcënua.

LEZHË – Një ngjarje e raportuar thjesht si aksident mbrëmjen e së premtes (24 mars), ishte në fakt sherr mes të rinjve që përfundoi në kërcënime me armë zjarri. Për pasojë është arrestuar një 20 vjeçar Anteo Fizi dhe janë shpallur në kërkim 2 shokët e tij, Kristjan Gjergji dhe David Doda bashkë me 23-vjeçarin Ednant Lulaj që u kërcënua.

Mbrëmjen e së premtes, poshtë mbikalimit të Ishull lezhës, Anteno Fizi që shoqërohej nga 2 shokët kërcënoi Ednant Lulajn. Pasi 3 djemtë e këcënuan me armë zjarri, u larguan me shpejtësi dhe u përplasën me një tjetër makinë me drejtues shtetasin M. K.

Policia njofton se ky rast është trajtuar fillimisht si aksident rrugor, por si rezultat i informacioneve të grumbulluara në vendngjarje, janë thelluar hetimet dhe si rezultat i tyre, është zbardhur dinamika.

Në vijim të veprimeve procedurale, shërbimet e Komisariatit të Policisë Lezhë arrestuan në flagrancë shtetasin Anteo Fizi, 20 vjeç, banues në Lezhë, si dhe shpallën në kërkim Kristjan Gjergji, 24 vjeç, banues në Rrilë dhe David Doda, 23 vjeç, banues në Barbullojë.

Gjithashtu, për këtë rast, u shpall në kërkim shtetasi Ednant Lulaj, 23 vjeç, banues në Tale, i cili nuk ka kallëzuar se është kanosur me armë zjarri, nga 3 shtetasit e lartpërmendur.

Vijon puna për kapjen e 3 shtetasve të shpallur në kërkim, si dhe në drejtimin e Prokurorisë pranë Gjykatës së Rrethit Gjyqësor Lezhë, vijojnë hetimet për dokumentimin e plotë ligjor të përgjegjësisë penale të secilit prej shtetasve të përfshirë në këtë rast.

Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49