POP 5

Lajmet më të lexuara të 5 minutave të fundit

Kronikë

U rindërtua shtëpia e familjarëve të ish-poetit të pushkatuar gjatë regjimit komunist Havzi Nelës, Veliaj: Puna nuk ka ngjyra partiake dhe ndasi politike

Mes mijëra familjeve të dëmtuara nga tërmeti i 26 nëntorit të vitit 2019 të cilave po u rindërtohen shtëpitë nga e para, Bashkia e Tiranës ka rindërtuar edhe shtëpinë e familjarëve të Havzi Nelës, poetit të pushkatuar nga regjimi komunist 33 vite më parë

Mes mijëra familjeve të dëmtuara nga tërmeti i 26 nëntorit të vitit 2019 të cilave po u rindërtohen shtëpitë nga e para, Bashkia e Tiranës ka rindërtuar edhe shtëpinë e familjarëve të Havzi Nelës, poetit të pushkatuar nga regjimi komunist 33 vite më parë. Familja Islamaj e ardhur nga Kukësi në Picallë të Petrelës, përfituese e Programit të Rindërtimit, u vizitua ditën e sotme edhe nga kryetari i Bashkisë së Tiranës, Erion Veliaj, i cili, përveç urimit për shtëpinë e re, u shpreh se puna për rindërtimin nuk ka ngjyra partiake dhe ndasi politike.

Pjesë nga biseda në shtëpinë e re të familjes Islamaj:

Familjari: Ti ke has bash me një ven me ..., na jena si autogol. Ne jemi si ..., unë, jo kjo, si kundërshtarë. Unë jam bash çuni dajës së Havzi Nelës.

Veliaj: Ashtu ë? Nga Kukësi? 

Familjari: Kushëririn e parë e kam pas me detyra. Ka qenë kjo në 87-ën...

Veliaj: Ke ardhur këtu para ’90?

Familjari: Jo. Në 2001-in.

Veliaj: Po ke ra në vend të mirë, se këto taroçit janë njerëz të mirë.

Familjari: Ne s’kemi shiku parti. Kemi parë kush punon edhe i kemi zgjat dorën gjithmonë të mirës. Nuk i kemi ndjek këto dredhinat.

Veliaj: Ja si kjo toka, bahçja këtu, po nuk e punove nxjerr frutë. Duke ulërit për parti e për politikë nuk bëhet domatja vetë, kurse tu e prashit...

Kryebashkiaku Veliaj, u shpreh shumë i lumtur për shtëpinë e re të familjes Islamaj, të cilët përfituan një shtëpi të re.

Veliaj theksoi se ritmi i punës nuk do të ndalet edhe gjatë verës për të strehuar të gjitha familjet të cilat janë prekur nga tërmeti i cili “goditi” vendin tonë 3 vite më parë.

 

J.GJ./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Edison Ypi: Spiun dhe Bariton

Edison Ypi: Spiun dhe Bariton

25 Dhjetor, 21:10 nga Edison Ypi