Në liqenin e Ulzës vijojnë kërkimet për gjetjen e trupit të 37-vjeçarit, që dyshohet se humbi jetën pasi ra në ujë gjatë lundrimit me një motor uji.

Në operacionin që po zhvillohet të pranishëm janë edhe forca nga ushtria dhe RENEA.

Sipas të dhënave paraprake, Armando Zajsi nga Laçi po lëvizte me motor uji në liqen kur, për arsye ende të paqarta, dyshohet se ka rënë në ujë dhe nuk ka mundur të dalë më në sipërfaqe.