U shpall në kërkim ndërkombëtar për korrupsion, në pranga 59-vjeçari me origjinë turke! Do ekstradohet drejt Turkmenistanit

Foto ilustruese

KUKËS - Një 59-vjeçar turk i shpallur në kërkim ndërkombëtar u arrestua nga policia në hyrje të pikës kufitare të Morinës.

59-vjeçari me iniciale M.Ç. me kombësi turke, banues në Kosovë akuzohet për korrupsion.

Ai u arrestua me qëllim ekstradimin drejt Turkmenistanit pasi zyra e Prokurorit të Përgjithshëm të këtij shteti,  ka lëshuar ndaj tij urdhër-arrestin ndërkombëtar.

“Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar Interpol Ashgabat të Turkmenistanit,  pasi zyra e Prokurorit të Përgjithshëm të Turkmenistanit,  ka lëshuar ndaj tij urdhër-arrestin ndërkombëtar, për veprën penale "Korrupsioni" – njofton policia.

Në përfundim të veprimeve hetimore, specialistët e Seksionit për Hetimin e Krimit Ekonomik &  Financiar në DVP Kukës bënë arrestimin provizor, me qëllim ekstradimin e tij, mbështetur në “Konventën Evropiane të Ekstradimit” të vitit 1957.

E.M./b.ha./Shqiptarja.com
  • Sondazhi i ditës:

    A e mbështesni vendimin e kryeministrit Rama për të përfshirë në listat e PS-së Luljeta Bozon dhe Najada Çomon?

Komento


×

Lajmi i fundit

John

Kamioni përplas biçikletën, plagoset 65-vjeçari në autostradën Durrës-Tiranë