U votua në Kuvend, shteti shet
trojet nën banesa me leje

Ndryshojnë sërish rregullat për privatizimin e trojeve që ndodhen nën banesat e ndërtuara në vitet e para pas demokracisë. Ligji ishte iniciuar nga qeveria aktuale dhe është miratuar më 2010-ën, por, pa kaluar as dy vjet, janë bërë amendime për afate dhe kushte. Diskutimi dje në séance plenare në parlament nuk ka shime, në emër të grupit socialist, duke u shprehur se "qeveria vazhdon të falë pronat e pronarëve legjitimë. Sot qeveria po u thotë pronarëve të vjetër se po I shes pronat e tua, pastaj do të të bëj kompensimin që u takon ishpronarëve", theksoi ajo. Kodheli tha se me pronarët PS në pushtet do të ndërtonte një marrëdhënie totalisht tjetër dhe se do t'i konsideronte ata si një potencial të zhvillimit të vendit. "Në këtë mënyrë i jepet fund talljes së qeverisë me pronarët dhe vendoset në vend padrejtësia ndaj tyre, që, për ne, do të thotë një Shqipëri më e drejtë për të gjithë", tha Kodheli.

Duke shtuar se pronarët që duan t'u kthehet prona, fermerët që punojnë tokën apo ata qytetarë që përfitojnë pronësinë nga procesi i legalizimit kanë nevojë për një pronë të regjistruar dhe me çertifikatë, të cilën ne do t'ua japim dhe ju nuk ua keni dhënë dot, deklaroi ajo. Sipas ndryshimeve të bëra, qiratë e papaguara mund të falen, kur pronari dorëzon kërkesën për privatizim brenda këtij viti, ndërkohë që, në se kërkesa për pagesë të menjëhershme do të bëhet deri më 1 korrik të këtij viti, ulet 20% çmimi i truallit.

 Ligji ka kaluar vetëm me 70 vota pro. Sipas ligjit, do të përfitojnë të drejtën e blerjes së tokës nën ndërtime me leje, të gjitha banesat që janë lejuar nga komitetet pluraliste të pushtetit vendor gjatë viteve 1991- 1993, deri sa u krijua Agjencia e Privatizimit. Gjithashtu, përfitojnë edhe ndërtimet që janë bërë pas kësaj periudhe, deri në autorizimin e shitjes së tokës. Së fundit, në ligj është futur edhe kategoria e ndërtesave të privatizuara nga pronat e ish-kooperativave bujqësore dhe ndërmarrjeve bujqësore. Fjala është për ato ndërtime të kësaj periudhe, që janë të ligjshme, se janë me leje ndërtimi, por toka nën to nuk u është dhënë në pronësi atyre që kanë ndërtuar këto banesa. Kështu, pronarët e banesave i kanë shtëpitë të tyre prej 20 vjetësh, por nuk janë pronarë të truallit, i cili është ende publik.

Për këtë, shteti nuk merr as qira nga pronësia mbi truallin. Në Ministrinë e Financave kanë ardhur shumë kërkesa për të përfituar nga ligji, por është zbuluar se në 400 raste ligji i kishte lënë jashtë mbulimit të tij dhe nuk mund të miratoheshin. Deputetja e Partisë Socialiste Mimi Kodheli deklaroi votën kundër për këto ndryshime, në emër të grupit socialist, duke u shprehur se "qeveria vazhdon të falë pronat e pronarëve legjitimë”.

Sipas ndryshimeve të bëra, qiratë e papaguara mund të falen, kur pronari dorëzon kërkesën për privatizim brenda këtij viti, ndërkohë që, në se kërkesa për pagesë të menjëhershme do të bëhet deri më 1 korrik të këtij viti, ulet 20% çmimi i truallit.


(aq/shqiptarja.com)