Ndërsa Izraeli vazhdon të zgjerojë operacionet në Gaza, Shtetet e Bashkuara përsëritën thirrjet për mbrojtjen e civilëve. Ndërkohë, një ekspert ushtarak paralajmëron se misioni i Tel Avivit për të shkatërruar Hamasin mund të jetë pothuajse i pamundur.
Forcat e Mbrojtjes të Izraelit (IDF) theksojnë se grupi militant Hamas, dhe jo populli i Gazës, është objektiv i operacioneve të tyre ushtarake, tashmë të zgjeruara.
Ndërsa njoftimet dhe pamjet e shumta tregojnë dëmet e mëdha në zonat civile, qasja e Izraelit dhe mbështetja e Shteteve të Bashkuara për atë vend po ngjallin shumë kritika.
Në një intervistë për emisionin “This Week” të kanalit televiziv ABC, Këshilltari i Sigurisë Kombëtare, Jake Sullivan, ripohoi qëndrimin e Uashingtonit.
“Ndihma jonë për Izraelin u nënshtrohet ligjeve të luftës dhe kërkesave që të ndërmerren hapa për të mbrojtur jetët e pafajshme. Këto janë të detyrueshme sa herë transferojmë armë në një vend tjetër”
Disa të afërm të pengjeve të marra nga Hamasi gjatë sulmit terrorist të 7 tetorit në Izrael kanë shprehur shqetësimin se ofensiva tokësore mund t'i rrezikojë të rrëmbyerit. Zoti Sullivan nënvizoi përpjekjet e vazhdueshme për lirimin e pengjeve.
“Jemi të përgatitur të mbështesim pauzat humanitare për lirimin e sigurt të pengjeve. Do të vazhdojmë të punojmë çdo ditë për të këtë qëllim”.
Lufta për eliminimin e Hamasit është një mision “pothuajse i pamundur” që mund të zgjasë me muaj, tha gjenerali amerikan në pension Robert Abrams në një intervistë për kanalin ABC.
“Mbrojtja e Hamasit në një zonë urbane tejet të dendur, ndryshe nga çdo gjë që kemi parë vitet e fundit, do të shkaktojë luftime shumë të ashpra. Njëkohësisht, duhen patur parasysh përpjekjet e Izraelit që të mos godasë objektivat ku ndodhen pengjet”.
Zoti Abrams foli gjithashtu edhe për çështjet që duhet të trajtohen pas përfundimit të konfliktit ushtarak.
“Hamasi u krijua si rezultat i mungesës së një shteti të veçantë palestinez, një zgjidhje me dy shtete siç është folur më parë. Kjo duhet të jetë pjesë e zgjidhjes kur shtrohet pyetja se si përfundon kjo. Duhet të jetë pjesë e ekuacionit”.
Të dielën, Agjencia e Kombeve të Bashkuara për Refugjatët Palestinezë tha se sulmet e banorëve ndaj magazinave të saj të ndihmave në Gaza janë një tregues për fillimin e rënies së rendit civil.
Paralajmërimi erdhi pasi Papa Françesku përsëriti thirrjet për armëpushim në Gaza dhe lirimin e pengjeve, shumë prej të cilëve besohet se kanë dyshtetësi./ VOA
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut
24 Nëntor, 07:55 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
Alban Daci: Lufta III Botërore?
23 Nëntor, 15:23
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01
