Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Ahmed Al-Shaara

Ish-udhëheqësi i Hayat Tahrir al-Sham (HTS), grupi rebel islamik që udhëhoqi operacionin ushtarak për rrëzimin e ish-presidentit të Sirisë, Bashar al-Assad, muajin e kaluar, është emëruar president i Sirisë përkohësisht.

Emërimi i Ahmed al-Sharaa, i cili ka vepruar si udhëheqës de-fakto i vendit që nga fillimi i dhjetorit, erdhi pas një takimi të krerëve të fraksioneve rebele të mërkurën dhe u njoftua nga një zëdhënës ushtarak.

Zëdhënësi njoftoi një sërë ndryshimesh të tjera, duke përfshirë shpërndarjen e parlamentit të Sirisë, formimin e një këshilli legjislativ dhe anulimin e kushtetutës së vendit të vitit 2012.

U shpërndanë edhe agjencitë ushtarake dhe të sigurisë të Sirisë, për t’u zëvendësuar me institucione të reja sigurie dhe ushtri.

Përveç kësaj, të gjitha fraksionet e armatosura në Siri do të shpërbëhen dhe do të bashkohen me ushtrinë e re kombëtare.

Sharaa tha se prioritetet e vendit ishin “mbushja e vakumit të pushtetit, ruajtja e paqes civile, ndërtimi i institucioneve shtetërore”.

Qeveria kalimtare supozohet t’ia dorëzojë pushtetin një qeverie të re në mars, por është e paqartë se si do të menaxhohet tranzicioni.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?



×

Lajmi i fundit

Evi Kokalari replikon me konsulentin amerikan të Berishës: Sa u pagove për punën e pistë? Sorosin e solli Saliu në Shqipëri

Evi Kokalari replikon me konsulentin amerikan të Berishës: Sa u pagove për punën e pistë? Sorosin e solli Saliu në Shqipëri