Këta inspektorë kanë bërë një punë hetuese që trupëron drejtësinë shqiptare, e cila ka dy vite që nuk ka bërë asnjë hetim për këtë skandal. Ka dy vite që prokuroria shqiptare ka hapur hetim për ndeshjet e manipuluara, duke marrë edhe raportin e UEFA-s, por e ka vënë në ndonjë sirtar ku e ka harruar.
Që në vitin 2016 drejtues të UEFA-s akuzuan drejtësinë shqiptare për mungesë bashkëpunimi në rastin e hetimit të ekipit të Skënderbeut për akuzën e trukimit të ndeshjeve. "Udhëtuam disa herë në Shqipëri për këtë çështje, por kupton që harxhuam shumë kohë dhe para, pasi ishte me të vërtetë e vështirë për të bashkëpunuar me autoritetet vendase" deklaron Emilio Garcia, kreu i njësisë disiplinore dhe integritetit UEFA.
d.c./shqiptarja.com