Ujësjellës Kanalizime Tiranë Njoftim

 
Drejtuar:       Asamblesë së Përgjithshme të Aksionarëve të Ujësjellës Kanalizime Tiranë sh.a
Bashkia  Tiranë
Bashkia  Kamëz
Bashkia  Vorë          
 
Lënda:      Njoftim për thirrjen e mbledhjes së jashtëzakonshme të Asamblesë së Përgjithshme të Aksionerëve të UKT sh.a
 
 
Të nderuar Zotërinj,
 
 
Në cilësinë e përfaqësuesve të aksionarëve të Shoqërisë UKT Sh.a dhe në zbatim të neneve 135, 136, 137, 138 pika 4, 139, 154-167 të Ligjit Nr.9901, datë 14.4.2008 “Për tregtarët dhe shoqëritë tregtare”, të Statutit të Shoqërisë, Ju njoftojmë se me konsesus të anëtarëve të kësaj asambleje, në datë 27.11.2015, ora 10:00, në ambjentet e Bashkisë Tiranë, do të zhvillohet mbledhja e Asamblesë së Përgjithshme të Aksionerëve të Shoqërisë Ujësjellës Kanalizime Tiranë Sh.A, me rendin e ditës si vijon:
 

1. Miratimi i planit të masave për periudhën 2016-2017-2018 të Shoqërisë Ujësjellës Kanalizime Tiranë Sh.A;

 

2. Miratimi i strukturës së Shoqërisë Ujësjellës Kanalizime Tiranë Sh.A;

 

3. Miratimin e dhënies së huasë nga Shoqëria Ujësjellës Kanalizime Tiranë Sh.A, Shoqërisë Hec Lanabregas Sh.A;

 

4. Dhënien e Autorizimit Drejtorit të Përgjithshëm të Shoqërisë Ujësjellës Kanalizime Tiranë Sh.A për përdorimin e licensës;

 

5. Diskutimi mbi të ndryshimeve në VKM nr. 236, datë 10.05.1993 “Për administrimin e furnizimit me ujë për përdoruesit familjarë dhe jofamiljarë” për parashikimet lidhur me gjobat administrative;

 

6. Miratimi i ndryshimit të Ekspertit Kontabël për auditimin e pasqyrave financiare dhe bilancin e Shoqërisë;

 
 
Informacioni lidhur me mbledhjen e Asamblesë së Përgjithshme të Aksionerëve, do të jetë i publikuar në faqen zyrtare në internet të shoqërisë www.ukt.al.
 
Përfaqësuesit e aksionerëve duhet të paraqiten në këtë mbledhje me aktet e përfaqësimit të miratuara nga Këshillat Bashkiakë përkatës.
 
Bashkëlidhur gjeni relacionet shpjegues mbi pikat e rendit të ditës që do të jenë të publikuara në faqen zyrtare të UKT sh.a.
 
Për çdo paqartësi lidhur me rendin e ditës së kësaj mbledhje, si dhe për çdo shtesë, mund të kërkoni sqarim ose të dërgoni sugjerimet me shkrim para datës së mbledhjes së Asamblesë.
 
Faleminderit për mirëkuptimin.