Ujëvara e Peshturës në fshatin Progonat, Tepelenë është kthyer vitet e fundit në një atraksion duke ofruar një përvojë unike dhe mahnitëse për turistët.

Sot kryeministri Edi Rama ka shëpërndarë disa pamje mahnitëse duke e cilësuar si një nga thesaret Parkut Kombëtar të Vjosës.

“Mirëmëngjes dhe me Ujëvarën e Peshturës, perlë e fshehur e Progonatit në zemër të Tepelenës, një tjetër thesar i Parkut Kombëtar të Vjosës, ju uroj një fundjavë të mbarë”, shkroi Rama në rrjetet sociale.

Për të shkuar në Ujëvarën e Peshturës, duhet të kalohet përmes një peizazhi të ashpër dhe të bukur, të përbërë nga shkëmbinj gëlqerorë, shpella dhe gryka, të cilat janë përshkuar nga përrenj të vrullshëm gjatë shekujve.